WBC 2024-yilning eng yaxshi bokschilarini eʼlon qildi
Butunjahon boks ittifoqi (WBC) yakuniga yetgan 2024-yilning eng yaxshi erkak va ayol bokschilarini aniqladi.
Superog‘ir vazn toifasida WBC, WBA, WBO va IBO yo‘nalishlarida amaldagi jahon chempioni Aleksandr Usik 2024 yilning eng yaxshi bokschisi deb topildi. Ukrainalik o‘tgan yilning may oyida britaniyalik Tayson Fyurini mag‘lub etib, WBC kamarini qo‘lga kiritgan holda mutlaq jahon chempioniga aylangandi. Dekabr oyida esa u revansh jangida ham kamarlarini muvaffaqiyatli himoya qildi.
Skay Nikolson esa WBC tomonidan 2024-yilning eng yaxshi ayol bokschisi sifatida eʼtirof etildi. Avstraliyalik 29 yoshli bokschi yarimengil vazn toifasida WBC chempioni hisoblanadi. U o‘tgan yili asosiy raqibalari Sara Mahfud, Dayan Vargas va Reyven Chepmenni katta ustunlik evaziga mag‘lubiyatga uchratdi.
.jpg "X factor uzbekistan")
.png "YouTube UZREPORT TV")
