Belgradda jamoat transporti bepul bo‘ladi
Serbiya poytaxti Belgradda 2025 yil 1 yanvardan boshlab 1,7 millionga yaqin aholi, shuningdek, shaharga tashrif buyuruvchilar jamoat transportidan bepul foydalanadi, deb xabar berdi Reuters 18 dekabr, chorshanba kuni.
Belgrad meri Aleksandar Shapich jurnalistlarga tushuntirganidek, bu chora poytaxt ko‘chalarida tirbandlikni bartaraf etish va tirbandlikka qarshi kurashishga qaratilgan. Hozirda Belgradda jamoat transporti uchun chipta 90 daqiqa davomida amal qiladi va bir bekatdan boshqasiga o‘tish huquqini beradi, u 50 dinor turadi (konvertatsiya qilinganda: 0,43 yevro).
Belgrad jamoat transporti tizimi o‘n bitta tramvay liniyasi, sakkiz trolleybus liniyasi va 200 dan ortiq avtobus liniyalarini o‘z ichiga oladi, deb eslatadi Reuters. O‘tgan yili Serbiya poytaxtida birinchi metro liniyasi qurilishi boshlandi. Bolqondagi boshqa ko‘plab yirik shaharlar singari Belgradda ham ko‘p sonli avtomobillar tufayli havo ifloslanishi bilan bog‘liq jiddiy muammo bor.
.jpg "X factor uzbekistan")
.png "YouTube UZREPORT TV")
