Dominikan Respublikasi: Klub tomi qulagandan keyin qurbonlar soni ortdi
Jet Set klubining tomi qulaganidan ikki kun o'tib, vayronalar ostidan omon qolganlarni topish imkoniyati yo'q, deydi rasmiylar. Santo-Domingodagi fojia kamida 184 kishining hayotiga zomin bo‘ldi, 150 dan ortiq kishi jarohat oldi.
Dominikan Respublikasidagi tungi klubning tomi qulashi oqibatida halok bo‘lganlar soni 184 kishiga yetdi. Qutqaruv xizmati direktori Xuan Manuel Mendez bu ma’lumotlarni 9-aprel, chorshanba kuni kechqurun ma’lum qildi. 150 dan ortiq yaradorlar shifoxonalarda qolmoqda.
Hodisa joyida 300 dan ortiq qutqaruvchi ishlamoqda, biroq vayronalar ostidan omon qolganlarni topish imkoniyati yo‘q, deydi rasmiylar. Tegishli xizmatlar xodimlari qidiruv-qutqaruv ishlaridan jasadlarni olib chiqishga o‘tdi.
Santo-Domingodagi fojia sabablari noma'lumligicha qolmoqda
8-aprelga o‘tar kechasi mashhur merengue qo‘shiqchisi Rubbi Peresning konserti chog‘ida mamlakat poytaxti Santo-Domingodagi Jet Set klubining tomi qulab tushdi.Hozircha fojia sabablari noma’lum.
Falokat vaqtida muassasaga tashrif buyurganlarning aniq soni ham noaniqligicha qolmoqda; mahalliy OAV xabarlari 500 dan 1000 kishigacha. Mamlakat prezidenti Luis Abinader uch kunlik milliy motam e’lon qildi.
Germaniya Tashqi ishlar vazirligi: Qurbonlar orasida nemislar yo‘q
Dominikan Respublikasi nemislar uchun mashhur dam olish maskanidir. Dastlabki ma’lumotlarga ko‘ra, Santo-Domingoda halok bo‘lganlar va yaradorlar orasida Germaniya fuqarolari yo‘q, deb xabar bermoqda AFP Germaniya tashqi ishlar vazirligiga tayanib.
.png "YouTube UZREPORT TV")
