Estoniya Rossiya bilan chegarada mudofaa chizig‘ini qurishni boshladi
Estoniya mamlakatning janubi-sharqiy qismida Rossiya bilan chegaradosh hududda tanklarga qarshi zovurlar qurishni boshladi, ular Rossiyaning Ukrainaga qarshi davom etayotgan agressiyasi fonida Latviya va Litva bilan birgalikda yaratilayotgan Boltiqbo‘yi mudofaa chizig‘i deb ataladigan qismga aylanadi. Bu haqda 19 iyun, payshanba kuni Estoniya mudofaa vazirligi ma’lum qildi.
«Bevosita bilan harbiy tahdid yo‘q, lekin asosiysi - shaylik. Jiddiy mudofaa jiddiy tayyorgarlikdan boshlanadi», — deyiladi idoraning X ijtimoiy tarmog‘idagi bayonotida.
ERR ma’lumotlariga ko‘ra, hozirda chegara chizig‘ida eni to‘rt metr va chuqurligi uch metrga teng tanklarga qarshi xandaq qazilmoqda. «Tankka qarshi zovur dushmanni to‘xtatib turadi, uning harakatlarini sekinlashtiradi va u xandaqdan o‘tib ketganda, bizning qurollarimiz uchun juda yaxshi nishonga aylanadi», dedi Estoniya mudofaa kuchlari diviziyasi muhandislik bo‘limi qo‘mondoni podpolkovnik Aynar Afanasev.
.png "YouTube UZREPORT TV")
