Gruziyada NATOning 7 davlati ishtirokida harbiy mashg‘ulotlar boshlandi
Gruziya va Turkiyada parallel ravishda o‘tkazilayotgan “Agile Spirit” ko‘pmillatli harbiy mashg‘ulotlari 8-avgustga qadar davom etadi. Ularda 10 davlatdan 2000 dan ortiq harbiy xizmatchilar ishtirok etmoqda.
Gruziyada 25-iyul, juma kuni NATOning “Agile Spirit” ko‘pmillatli harbiy mashg‘ulotlari, mamlakat rasmiylari va G‘arb o‘rtasidagi ziddiyat kuchayib borayotganiga qaramay, boshlandi. Mashg‘ulotlarning rasmiy ochilishi Tbilisi yaqinidagi NATO va Gruziya qo‘shma o‘quv va baholash markazida (JTEC) bo‘lib o‘tdi, deb xabar berdi Gruziya Mudofaa vazirligi.
Mashg‘ulotlarda NATOning yetti davlati, shuningdek, Gruziya, Ukraina va Moldovadan ikki mingdan ortiq harbiy xizmatchilar ishtirok etmoqda. Gruziyada dala va o‘t o‘chirish mashqlari, shuningdek, maxsus kuchlarning mashg‘ulotlari rejalashtirilgan. Turkiyada parallel ravishda o'tkazilayotgan Agile Spirit mashqlari 8 avgust kuni yakunlanishi rejalashtirilgan.
Mashg‘ulotlardan maqsad ishtirokchi davlatlar qurolli kuchlarining jangovar tayyorgarligi darajasini oshirish, o‘zaro uyg‘unlik va operativ imkoniyatlarni mustahkamlashdan iborat, deya xabar beradi Gruziya Mudofaa vazirligi.
AFP taʼkidlaganidek, NATO va Yevropa Ittifoqi Qora dengiz mintaqasida Rossiya taʼsiriga qarshi turish uchun oʻz mavjudligini kuchaytirmoqchi. Rossiya 2008 yilda Gruziyaga bostirib kirdi va Gruziya hududining 20 foizi Rossiya ishg'oli ostida qolmoqda.
.png "YouTube UZREPORT TV")
