Hindistonda shifoxonadagi yong‘inda 10 nafar chaqaloq halok bo‘ldi
Uttar-Pradesh shtatining Jansi shahridagi shifoxonaning neonatal bo‘limida kamida 10 nafar chaqaloq yong‘in oqibatida halok bo‘ldi. Yana 16 nafarining ahvoli og‘ir.
Hindiston shimolidagi Uttar-Pradesh shtatidagi shifoxonaning neonatal bo‘limida yuz bergan yong‘in oqibatida kamida 10 nafar yangi tug‘ilgan chaqaloq halok bo‘ldi, deb xabar berdi mahalliy hukumat 16-noyabr, shanba kuni. Ularning so‘zlariga ko‘ra, kecha tunda Jansi shahridagi Maharani Lakshmi Bay tibbiyot kollejining neonatal reanimatsiya bo‘limida yong‘in sodir bo‘lgan.
"Yetti jasadning shaxsi aniqlandi. Uch nafar jasadning shaxsi hali aniqlanmagan", dedi shtat bosh vazir o‘rinbosari Brajesh Pathak jurnalistlarga. Yana 16 nafar chaqaloqning ahvoli og‘ir, deb yozadi Hindistonning Times Now nashri. NDTV telekanali maʼlumotlariga koʻra, yongʻin boshlanganda neonatal reanimatsiya boʻlimida 54 chaqaloq boʻlgan.
AFP ta'kidlaganidek, yong'inlar Hindistonda yomon qurilish amaliyoti, odamlarning haddan tashqari ko'pligi va xavfsizlik qoidalarining yomonligi tufayli tez-tez uchrab turadi.
.jpg "X factor uzbekistan")
.png "YouTube UZREPORT TV")
