Ispaniyadagi tog‘-chang‘i kurortida dor yo‘li qulashi natijasida 30 kishi jarohatlandi
Ispaniya shimolidagi Astun tog‘-chang‘i kurortida teleferik halokatida kamida 30 kishi jabrlandi.
Aragon avtonom viloyati hukumati favqulodda vaziyatlar bo‘yicha bosh direktori Migel Anxel Klaveroning ispan OAVlariga ma’lum qilishicha, teleferikdagi kabellardan biri uzilib, bir nechta teleferik kabinalari qulagan.
Rasmiylarga ko‘ra, hodisa oqibatida kamida 30 kishi jabrlangan, ulardan 9 nafarining ahvoli og‘ir.
Astun stansiyasi vaqtincha yopildi.
Ispaniya bosh vaziri Pedro Sanches X ijtimoiy tarmog'idagi xabarida qurbonlarga hamdardlik bildirdi.
“Astun stansiyasidagi avariya haqidagi xabar barchamizni larzaga soldi. Men Aragon avtonom viloyati hukumati prezidenti Xorxe Azkon bilan gaplashdim va hukumatimiz nomidan jabrlanganlarga barcha zarur yordamni yetkazdim. Yuragimiz qurbonlar va ularning oilalari bilan”, — deb yozadi u.
.jpg "X factor uzbekistan")
.png "YouTube UZREPORT TV")
