Isroil garovga olinganlar evaziga 2 ming falastinlikni ozod qiladi

Isroil hukumati 18-yanvar, shanba kuni Isroil va HAMAS o‘rtasidagi o‘t ochishni to‘xtatish kelishuvining birinchi bosqichi doirasida jami 1904 nafar falastinlik Isroil qamoqxonalari va hibsxonalaridan ozod etilishini ma’lum qildi.

Isroil Adliya vazirligi tomonidan e'lon qilingan ro'yxatga 737 mahbus va axloq tuzatish xizmati qamoqxonasida saqlanayotgan xavfsizlik mahbuslari kiritilgan. Ular orasida qotillik aybi bilan jazoni o‘tayotgan terrorchilar hamda HAMAS, Fath va Islomiy jihod harakatlari a’zolari ham borligi aytiladi. Bundan tashqari, Isroil G‘azo sektorining harbiy harakatlar boshlanganidan beri hibsga olingan, ammo 2023-yil 7-oktabr kuni Xamas hujumida ishtirok etmagan 1167 nafar aholisini ozod qiladi.

Buning evaziga HAMAS 19-yanvar kuni ertalab boshlangan jangovar harakatlarda olti haftalik tanaffus paytida G‘azo sektorida garovga olingan 98 nafar isroillikdan 33 nafarini ozod qilishi kerak. Isroil rasmiylari bu garovga olinganlar hali ham tirik ekaniga ishonishadi, biroq HAMAS tomonidan tasdiqlanmagan.

Falastin guruhiga yaqin manbalarga ko‘ra, birinchi navbatda uch isroillik ayol ozod qilinadi. 19-yanvar oqshomida ilk garovga olinganlar Qizil Xoch va Misr va Qatar qutqaruv guruhlariga topshirilishi kutilmoqda. Keyin ozod etilgan mahbuslar Misrga olib ketiladi va Isroil tomoniga topshiriladi va ular tibbiy ko‘rikdan o‘tkaziladi.