Netanyaxu Tramp nomzodini tinchlik bo‘yicha Nobel mukofotiga taklif qildi

Isroil bosh vaziri Binyamin Netanyaxu AQSh prezidenti Donald Trampni tinchlik bo‘yicha Nobel mukofotiga nomzod qilib ko‘rsatdi. Bu haqda Netanyaxuning o‘zi mahalliy vaqt bilan 7-iyul, dushanba kuni kechqurun (Yevropa vaqti bilan 8-iyulga o‘tar kechasi) Vashingtondagi Oq uyda davlat kechki ovqatida ma’lum qildi.

Isroil bosh vaziri Amerika prezidenti haqida: "U biz gapirganimizda, bir mamlakatda, bir mintaqada tinchlikni mustahkamlamoqda", dedi. Netanyaxu Trampga Nobel qo‘mitasiga yuborgan maktub nusxasini topshirdi.

Tramp G‘azoda o‘t ochishni to‘xtatmoqchi

Kechki ovqat boshida jurnalistlar AQSh prezidentidan Isroil va Hamas terrorchilik harakati o‘rtasida 22 oydan beri davom etayotgan G‘azo sektorida sulhga erishish yo‘lidagi ishlar qanday ketayotgani haqida so‘radi. "Menimcha, hech qanday kechikish yo'q. Menimcha, hammasi yaxshi ketmoqda", - dedi Tramp. Uning fikricha, tomonlar “uchrashmoqchi va o‘t ochishni to‘xtatmoqchi”.

Netanyaxu, o‘z navbatida, Isroil G‘azo sektori ustidan nazoratni “doimo” saqlab qolishini va bu nazoratni to‘liq Falastin ma’muriyatiga o‘tkazmasligini aytdi. "Odamlar bu toʻlaqonli (Falastin — tahr.) davlat emas, bu davlat emas, deyishadi. Bizga baribir", — dedi Isroil bosh vaziri.

6-iyul kuni Tramp yaqin kunlarda Isroil va XAMAS oʻrtasida kelishuvga erishish uchun “yaxshi imkoniyat” borligiga ishonishini aytdi. Oq uy matbuot kotibi Kerolin Leavitt, "(AQSh) prezidentining Yaqin Sharqdagi eng muhim vazifasi G'azodagi urushni tugatish va barcha (Isroil - tahr.) garovga olinganlarni qaytarib olishdir", dedi.