Yevrokomissiya Pfizer bilan vaksinalar bo‘yicha yozishmalar ishida yutqazdi
Yevropa komissiyasi Pfizer farmatsevtika kompaniyasi rahbariyati bilan Yevropa Ittifoqiga COVID-19 vaksinalarini yetkazib berish bo‘yicha yozishmalar ishini sudda yutqazdi. 14 may, chorshanba kuni Yevropa Ittifoqi sudi The New York Times gazetasining Bryusselning Yevropa komissiyasi raisi Ursula fon der Lyayen va Pfizer rahbariyatining tegishli SMS-xabarlarini nashr etishdan bosh tortganiga qarshi daʼvo arizasini qanoatlantirdi.
Lyuksemburg sudi “Pfayzergeyt” deb nomlangan ish bo‘yicha o‘z qarorida Yevropa Ittifoqining hujjatlarga kirish huquqiga asoslandi, u Yevropa institutlarining barcha hujjatlarini ommaga eʼlon qilishni talab etadi. Bundan tashqari, Yevrokomissiya nima uchun so‘ralgan hujjatlar topilmaganini va nima uchun «COVID-19 vaksinalarini xarid qilish doirasida almashilgan matnli xabarlarda muhim maʼlumotlar yo‘q deb hisoblaganini» «ishonchli tushuntira olmadi».
Shuningdek, u sud jarayoni davomida YEKning javoblari farazlarga yoki o‘zgaruvchan yoki noto‘g‘ri maʼlumotlarga asoslanganligini taʼkidladi. O‘z navbatida, daʼvogar gazeta fon der Lyayen va Pfizer bosh direktori Albert Burla o‘rtasidagi SMS-yozishmalar 2021 yil yanvaridan 2022 yil 11 maygacha sodir bo‘lganini isbotladi.
.png "YouTube UZREPORT TV")
