Madaniyat va turizm vaziri Ozodbek Nazarbekov Italiya va Ozarbayjondagi xalqaro tanlovlar g‘oliblarini taqdirladi

Joriy yilning 16-21-may kunlari Italiyaning Barletta shahrida bo‘lib o‘tgan “Città di Barletta” nomli 33-Xalqaro yosh ijrochilar tanlovida R.Glier nomidagi Respublika ixtisoslashtirilgan musiqa maktabidan 4 nafar o‘quvchisi munosib ishtirok etdi.

Maktabning 2-sinf o‘quvchisi Azimova Sevinch Sunnatjonovna 1-o‘rinni, 10-sinf o‘quvchisi Sobitjonova Muxlisa Ilhom qizi 1-o‘rinni egalladi va D.Amanullayevaning "Amir Temur tushlari" asarining ijrosi uchun Maxsus mukofot bilan taqdirlandi hamda tanlovning yopilish marosiga bag‘ishlangan Gala konsertda ishtirok etdi. 11-sinf o‘quvchisi Salyaxova Alisa Rafelevna esa 2-o‘rin bilan taqdirlandi.

8-sinf o‘quvchisi G‘ulomov Saidshoh Suratovich Gran-Pri bilan mukofotlandi hamda tanlovning yopilish marosiga bag‘ishlangan Gala konsertda qatnashdi.

Shuningdek, 16-23-may kunlari Boku shahrida o'tkazilgan XIII Xalqaro mug‘om festivalida ham vakillarimiz munosib ishtirok etdi.

R.Glier nomidagi Respublika ixtisoslashtirilgan musiqa maktabi o‘quvchisi Umarjon Akmalov 1-o‘rinni, ikki nafar Namangan viloyatining 1-son bolalar musiqa va san’at maktabi o‘quvchisi Madina Karimjonova hamda R.Gliyer nomidagi Respublika ixtisoslashtirilgan musiqa maktabi o‘quvchisi Sardor Narzullayevlar 2-o‘rinni, shuningdek, bir nafar Abdurauf Fitrat nomidagi Buxoro maqom san’atiga ixtisoslashtirilgan maktab internati o‘quvchisi Og‘abek Axtamov faxrli 3-o‘rinni egalladi.