"G'ijduvon" erkin iqtisodiy zonasi hududi kengaytiriladi

Gʻijduvon tumanidan 150,8 gektar va Romitan tumanidan 200 gektar, jami 350,8 gektar bo‘sh yer uchastkalarini ajratish hisobiga “Gʻijduvon” EIZ hududi kengaytirilishi belgilandi. Bu bo'yicha prezidentning 2023-yil 11-yanvardagi PQ-3-soni qarorida so'z borgan.

Qaror bilan, Buxoro viloyati hokimligi Qishloq xo'jaligi vazirligi va Kadastr agentligi bilan birgalikda 1 oy muddatda ushbu qaror talablaridan kelib chiqib davlat yer kadastri ma'lumotlariga tegishli o'zgartirishlar kiritadi.

Shuningdek, viloyat hokimligi Qurilish va uy-joy kummunal xo'jaligi vazirligi, Investitsiyalar, sanoat vazirligi bilan birgalikda "G'ijdivon" erkin iqtisodiy zonasi direksiyasi" DUK mablag'lari hisobiga 1 oyda “Gʻijduvon” EIZning yangi hududlari bosh rejasini ishlab chiqadi va tasdiqlaydi.

Ushbu qarorga ko'ra, “Gʻijduvon” EIZ  yangi hududlarida investitsiya loyihalarini amalga oshirish uchun yer uchastkalari elektron onlayn-auksion savdolari orqali amalga oshiriladi.

O‘z navbatida maxsus iqtisodiy va kichik sanoat zonalarining tashqi muhandislik-kommunikatsiya tarmoqlarini qurish tadbirlari:

— ichimlik suvi, oqova suv tarmoqlarini hamda avtomobil yo‘llarini qurish, rekonstruksiya qilish va ta’mirlash ishlari bo‘yicha — Davlat budjeti mablag‘lari;

— elektr energiyasi va tabiiy gaz tarmoqlarini qurish, rekonstruksiya qilish va ta’mirlash ishlari bo‘yicha — tegishlicha ta’minotchi korxonalar tomonidan tasdiqlangan loyiha-smeta hujjatlariga muvofiq ta’minotchi korxonalarga haqiqatda amalga oshirilgan xarajatlar respublika budjeti mablag‘lari hisobidan 5 foiz stavkada uch yil muddatda qaytarish sharti bilan ajratiladigan budjet ssudasi mablag‘lari;

— aloqa tarmoqlarini qurish, rekonstruksiya qilish va ta’mirlash ishlari bo‘yicha — ta’minotchi korxonalar tomonidan tasdiqlangan loyiha-smeta hujjatlariga muvofiq ta’minotchi korxonalarning hamda tadbirkorlik subyektlarining o‘z mablag‘lari hisobidan qoplanadi.