Huawei 1
O‘zbekistonda 2024-yilda davlat idoralariga budjetdan qancha mablag‘ ajratilishi ma'lum qilindi

Prezident Shavkat Mirziyoyev 2023-yil 23-dekabr kuni “2024-yil uchun O‘zbekiston Respublikasining Davlat budjeti to‘g‘risida”gi qonunni imzolagandi. Hujjat bilan birinchi darajali budjet mablag‘larini taqsimlovchilariga ajratiladigan mablag‘larning cheklangan miqdorlari belgilangan.

Bunda budjetdan ajratiladigan mablag‘larning umumiy miqdori 255,44 trillion so‘mni tashkil etadi. Mablag‘lar joriy xarajatlar (180,15 trillion so‘m), rivojlanish dasturlari (33,2 trillion so‘m), obyektlarni loyihalashtirish, qurish (rekonstruksiya qilish) va jihozlash uchun kapital qo‘yilmalar (10,82 trillion so‘m) va boshqa xarajatlarni o‘z ichiga oladi.


Bundan tashqari, hujjatda sohalar bo‘yicha xarajatlarni qoplashga ajratiladigan mablag‘lar miqdori ham keltirilgan. Masalan, kelasi yilda OTMlarning magistratura bosqichida o‘qiyotgan barcha xotin-qizlarning kontrakt to‘lovlarini qaytarish shartisiz qoplashga 200 milliard so‘m ajratiladi.

Qayta tiklanuvchi energiya manbalari qurilmalarini xarid qilish xarajatlarining bir qismini kompensatsiya qilishga taqdim etiladigan mablag‘lar 100 milliard so‘mni tashkil etadi.


Shuningdek, tashabbusli budjetlashtirish tadbirlari doirasida 1,5 mingdan ortiq ovoz to‘plagan, lekin g‘olib deb topilmagan jihozlash bilan bog‘liq loyihalarni moliyalashtirishga 26,6 milliard so‘m yo‘naltiriladi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 122304 | Инструменты