Yekaterinburgda O'zbekiston va Rossiya hududlari tadbirkorlari ishtirokida biznes-forum o'tkaziladi
O'zbekiston bosh konsuli Jaxongir Parmanov Ural savdo-sanoat palatasi prezidenti Andrey Besedin bilan uchrashdi.
Unda O'zbekiston hududlari va Sverdlovsk viloyati o'rtasida savdo-iqtisodiy aloqalarni yanada kengaytirish masalalari muhokama qilindi.
Bosh konsul O'zbekiston va Rossiya o'rtasidagi savdo-iqtisodiy va sanoat yo'nalishlaridagi hamkorlikning holati va istiqbollari haqida so'zlab berdi.
O'zbekiston va Rossiya hududlararo hamkorligini qo'llab-quvvatlash maqsadida Yekaterinburg shahri va mamlakatimiz viloyatlaridagi yirik tadbirkorlar ishtirokida biznes-forum va ular o'rtasida B2B shaklidagi uchrashuvlarni sentyabr oyida o'tkazish imkoniyatlari ko'rib chiqildi.
Bo'lajak biznes-forumga respublikamizda ishlab chiqarish, xizmat ko'rsatish va boshqa sohalarda faoliyat ko'rsatayotgan yirik tadbirkorlar taklif qilinadi hamda o'zbek milliy mahsulotlarining ko'rgazmasi tashkil etiladi.
.png "YouTube UZREPORT TV")
