Tramp: Agar NATO Eron bilan mojaroda AQShga yordam berishdan bosh tortsa, uni "yomon kelajak" kutmoqda
The Financial Times nashrining xabar berishicha, AQSh prezidenti Yevropa davlatlarini Vashingtonning Erondagi harbiy harakatlariga qo'shilishga chaqirdi. Tramp agar Xitoy unga yordam bermasa, Si bilan uchrashuvini bekor qilishi mumkinligini aytdi.
AQSh prezidenti Donald Tramp agar Vashingtonning ittifoqchilari Hormuz bo'g'ozini ochishga yordam bermasa, NATO "juda qorong'u" kelajakka duch kelishi haqida ogohlantirdi. Oq uy rahbari bu bayonotni 15-mart, yakshanba kuni The Financial Times (FT) nashriga bergan intervyusida aytdi.
Shu tariqa Tramp Yevropa davlatlarini Erondagi AQSh harbiy harakatlariga qo'shilishga chaqirdi, deb ta'kidlaydi FT. "Agar javob bo'lmasa yoki javob salbiy bo'lsa, menimcha, bu NATOning kelajagi uchun juda yomon bo'ladi", dedi Tramp.
"Biz juda mehribon bo'ldik. Biz ularga Ukraina masalasida yordam berishimiz shart emas edi. Ukraina minglab mil uzoqlikda... Lekin biz ularga yordam berdik. Endi ular bizga yordam berishadimi yoki yo'qmi, ko'ramiz. Chunki men uzoq vaqtdan beri biz ular uchun yonimizda bo'lamiz, deb aytgan edim, lekin ular biz uchun yonimizda bo'lmaydi. Men ular u yerda bo'lishlariga amin emasman", dedi Tramp. Prezidentning qo'shimcha qilishicha, ittifoqchilar mina qo'riqchilari yuborishlari kerak, Yevropada esa AQShdan ancha ko'p.
Tramp shuningdek, Yevropa maxsus kuchlari yoki boshqa harbiy kuchlardan Fors ko'rfazida dronlar va dengiz minalari bilan "muammolar" keltirib chiqarayotgan Eron kuchlarini yo'q qilishga yordam berishini istaydi.
.png "YouTube UZREPORT TV")
