Eldor Shomurodov Rim derbisida qatnashdi
5-yanvar kuni Italiya chempionati 19-turi doirasida Rimning “Roma” klubi hamshahari “Latsio”ni o‘z uyida qabul qilib, 2:0 hisobida g‘alaba qozondi.
E’tiborlisi, oxirgi paytlarda “bo‘rilar” safida kam o‘yin amaliyotiga ega bo‘layotgan o‘zbekistonlik futbolchi Eldor Shomurodov 74-daqiqada zaxiradan maydonga tushdi. “SofaScore” portali hujumchining o‘yin oxiriga qadar ko‘rsatgan o‘yinini 6,5 ballga baholadi.
29 yoshli futbolchi salkam 20 daqiqa davomida 4 marta to‘pga tegdi. 1 ta aniq uzatma amalga oshirdi va havodagi kurashlarning 3 tasidan 1 tasida g‘alaba qozondi.
Ma’lumot uchun, Shomurodov joriy mavsum “Roma” safida 14 ta o‘yinda maydonga tushib, 2 ta gol urdi va 1 ta golli uzatmani amalga oshirdi. “Transfermarkt” portali 4 million yevroga baholayotgan hujumchining rimliklar bilan shartnomasi keyingi yil yoziga qadar mo‘ljallangan.
.jpg "X factor uzbekistan")
.png "YouTube UZREPORT TV")
