Eldor Shomurodov sobiq klubiga qaytishi mumkin
O‘zbekiston milliy terma jamoasi va Rimning “Roma” klubi a’zosi Eldor Shomurodovga “Kalyari” klubi qiziqish bildirmoqda. Bu haqda “La Gazzetta dello Sport” xabar berdi.
Manbaga ko‘ra, tez orada Sardiniya klubi 29 yoshli Shomurodov transferi bo‘yicha muzokaralarni boshlamoqchi. Agar “Roma” yanvarda yangi hujumchi sotib olsa, o‘zbekistonlik futbolchi katta ehtimol bilan Rim klubini tark etadi.
Qayd etish joiz, “Kalyari” Shomurodovga begona jamoa emas. Hujumchi 2023/24 yilgi mavsumda “Kalyari” to‘p tepib, 24 ta o‘yinda qatnashgan va 3 ta gol va golli uzatmaga mualliflik qilgan.
Ma’lumot uchun, Shomudorov “Roma” safida jami 62 ta o‘yinda maydonga tushib, 8 ta gol urdi va 7 ta golga hammualliflik qildi. “Transfermarkt” tomonidan 4 million yevroga baholanayotgan hujumchining “bo‘rilar” bilan shartnomasi 2026 yil yoziga qadar tuzilgan.
.jpg "X factor uzbekistan")
.png "YouTube UZREPORT TV")
