“Eng zo‘r-2022”: Mavsumning eng yaxshi futbolchi sovrini uchun da’vogarlar ro‘yxati e’lon qilindi

Avvalroq xabar berganimizdek, joriy yilning 26-noyabr kuni 2022-yilning eng yaxshilarini eʼtirof etish maqsadida “Eng zoʻr-2022” taqdirlash marosimi oʻtkaziladi.

Unda yilning eng yaxshi futbolchisi boʻlishga nomzodlar quyidagilar:

- Temurxoʻja Abduxoliqov (“Qizilqum”)

- Bobir Abdixoliqov (Oʻzbekiston milliy terma jamoasi va “Energetik-BGU”)

- Husniddin Aliqulov (Oʻzbekiston milliy terma jamoasi va “Nasaf”)

- Otabek Shukurov (Oʻzbekiston milliy terma jamoasi hamda “Sharja”, “Fotih Karagumryuk”)

- Eldor Shomurodov (Oʻzbekiston milliy terma jamoasi va “Roma”)

- Jamshid Iskanderov (“Navbahor”)

- Jaloliddin Masharipov (Oʻzbekiston milliy terma jamoasi va “Al Nassr”)

- Sardor Sobirxoʻjayev (Oʻzbekiston milliy terma jamoasi va “Paxtakor”)

- Ibrohimhalil Yoʻldoshev (Oʻzbekiston milliy terma jamoasi va “Nijniy Novgorod”)

- Igor Sergeyev (Oʻzbekiston milliy terma jamoasi va “Tobol”)

- Hojimat Erkinov (Oʻzbekiston milliy va U-23 terma jamoasi, “Paxtakor” hamda “Torpedo”)

- Jasur Hasanov (“Soʻgʻdiyona”)

Ma’lumot uchun, ushbu mukofot Oʻzbekiston futbol assotsiatsiyasi hamda Professional futbol ligasi hamkorligida tashkil etilmoqda. O'tgan yili bu marosim “UZ Football Awards-2021” nomi bilan atalgan edi.

Anʼanaga koʻra, eng asosiy nominatsiyalar gʻoliblari sport jurnalistlari ovoziga koʻra aniqlanadi. Ichki ligalar tasnifida esa eng kuchlilar mavsum davomida murabbiylar, futbolchilar, OAV vakillari hamda muxlislar ovozlariga koʻra aniqlab kelinmoqda. Shuningdek, tashkilotchilar oʻzbek futboli rivojiga oʻz hissasini qoʻshib kelayotgan yana qator insonlarni taqdirlashni rejalashtirgan.