Huawei 1
ФИФА Исроилга Олимпиадада иштирок этишга рухсат берди

Халқаро футбол федерацияси (ФИФА) ташкилот қоидаларини бузгани учун Исроилни мусобақалардан четлатмади. Бу ҳақда ESPN хабар бермоқда.

Фаластин футбол ассоциацияси 2024 йилнинг май ойида Исроилни мусобақалардан четлатиш таклифи билан чиққанди. Манбага кўра, ФИФА бу масалани 2024 йилнинг 31 августигача кечиктиришга қарор қилган ва шу тариқа исроиллик футболчиларга Париждаги Олимпиадада қатнашиш имконини берган.

Исроилга қарши шикоятни Фаластиндан ташқари Осиё Футбол Конфедерацияси ҳам қўллаб-қувватлаган эди.

Маълумот учун, 2022 йилнинг баҳорида ФИФА ва Европа футбол ассоциациялари иттифоқи (UEFA) Россия терма жамоасини, шунингдек, бошқа рус клубларини ташкилотлар назоратидаги барча мусобақалардан четлаштиришга қарор қилган. Бунга Украина билан бўлган уруш сабаб бўлган эди.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 90806 | Инструменты