7-sentyabr kuni O‘zbekistonda sodir bo‘lgan eng muhim voqealar dayjesti

Farg‘onada yo‘l chetida turgan yuk mashinasiga urilgan mikroavtobus pachaqlanib ketdi

Hozirda ushbu holat yuzasidan Quva tumani Ichki ishlar boshqarmasi YHXB tomonidan o‘rganish ishlari olib borilmoqda.

Korrupsiyaga qarshi kurashish agentligi: Aziz Voitov sudi jamoatchilik uchun ochiq tarzda o‘tkazilishi kerak

Shu kunlarda sobiq qishloq xo‘jaligi vaziri Aziz Voitov va boshqalarga oid jinoyat ishi sudda ko‘rib chiqilmoqda.

Buxorolik Muhammad Shexov IBF Intercontinental kamari sohibi

Rossiya Federatsiyasining Chelyabinsk shahrida RCC Boxing promouterlik kompaniyasining navbatdagi professional boks oqshomi o‘tkazildi.

Toshkentda festivalda jamoat tartibini buzgan 5 nafar voyaga yetmagan shaxsning ota-onasiga bayonnoma tuzildi

Qolgan fuqarolarga nisbatan to‘plangan hujjatlar yuzasidan tergovga qadar tekshiruv o‘tkazilmoqda.

Saida Mirziyoyeva Qoraqalpog‘istonga bordi

Prezident yordamchisining ma’lum qilishicha, safar davomida iqtisodiy-ijtimoiy holati og‘ir tumanlarga borildi va joylardagi ahvol o‘rganildi.

Soliq va bojxona imtiyozlaridan eng ko‘p foydalangan tashkilotlar maʼlum qilindi

Qator tashkilotlarning 2023-yilda soliq va bojxona imtiyozlaridan foydalanganligi holatlari tahlil qilindi.

Buxorodagi 4-tergov hibsxonasida uzoq muddatli uchrashuv xonalari tashkil etildi

Qonunchilikda mahkumlar yaqin qarindoshlari bilan yiliga 6 marta qisqa va 6 marta uzoq muddatli uchrashuvlardan foydalanishi mumkinligi belgilangan.

Nurxon Qurbonova – Paralimpiya oʻyinlari chempioni

Para yengil atletikachimiz Nurxon Qurbonova F54 klassida nayza uloqtirish bahslarida oltin medalni qoʻlga kiritdi.

1-sentabr holatiga O‘zbekistonda 553 249 nafar yuridik shaxslar faoliyat yuritmoqda

Shundan 58 354 tasi yanvar-avgust oylarida ro‘yxatdan o‘tgan.

Ro‘za Kuziyeva - Paralimpiya o‘yinlari kumush medal sohibi

Ro‘za Kuziyeva 147 kg natija qayd etgan holda delegatsiyamiz hisobiga 9-kumush medalni qo'shib qo'ydi.

Yarim yilda turistik agentliklar tomonidan 1,3 trln so‘mlik xizmatlar ko‘rsatildi

Mazkur sohada Toshkent shahrining ulushi 77,3 % ni tashkil etgan.

Jizzaxda o‘zganing nomiga 20 mln so‘m "onlayn kredit" rasmiylashtirgan shaxs qo‘lga olindi

Mazkur holat yuzasidan fuqaroga nisbatan jinoyat ishi qo‘zg‘atilgan.

Nurafshonda test sinovlari oʻtkazishga moʻljallangan pavilyon qurilmoqda

1, 56 gektar yer maydonida joylashgan mazkur inshootning umumiy qiymati 22 milliard 700 million soʻmdan ziyod boʻlib, davlat budjetidan 17 milliard 197 million soʻm, mahalliy budjetdan 5,5 milliard soʻm ajratilishi reja qilingan.

O‘zbekistonda samarasiz foydalanilayotgan ayrim inshootlar xususiy boshqaruvga beriladi

Yil yakunigacha mamlakatdagi samarasiz foydalanib kelinayotgan yirik shifoxonalar, madaniyat va sport inshootlari (shu jumladan, madaniyat saroylari, stadionlar, konsert zallari, istirohat bog‘lari) xatlovdan o‘tkazilib, xususiy sektorga DXSh asosida berish bo‘yicha takliflar hukumatga kiritiladi.

Toshkent viloyati hokimi ichki yoʻllarni taʼmirlash uchun mablagʻ ajratdi

Zangiota tumani “Oʻrikzor” mahallasining 3,6 km, Yangiyoʻl tumani “Gʻalaba” MFY 1,76 km ichki yoʻllarini taʼmirlash xarajatlari uchun jami 1 milliard 901 million soʻm mablagʻ ajratildi.

“O‘ztemiryo‘lyo‘lovchi” poyezd chiptalari narxi oshishiga izoh berdi

Kompaniya 2018-yildan beri chiptalar narxi o‘zgarmaganini qayd etdi.