Ispaniya Superkubogi. “Barselona” yirik hisobda “Real”ni mag‘lub etib, bosh sovrinni qo‘lga kiritdi
Futbol bo‘yicha Saudiya Arabistoni Jidda shahrida Ispaniya Superkubogi finali 12-yanvar, yakshanba kuni bo‘lib o‘tdi. Unda “Barselona” va “Real” o‘zaro to‘qnash keldi.
5-daqiqada Mbappe hisobni ochdi. Ushbu golga “Barsa” Yamal, Levandovski, Rafinya va Baldening gollari bilan javob berdi. Uchrashuvning 60-daqiqasida Rodrigo tomonidan kiritilgan gol uchrashuv 2:5 hisobida Kataloniya klubi foydasiga yakunlanishini ta’minladi. Azaliy raqibini mag’lub etgan jamoa Flik qo‘l ostida ilk sovrinini qo‘lga kiritdi.
56-daqiqada Shesni birga-bir vaziyatda Mbappeni to‘xtatib qolgani uchun maydondan chetlatilganini alohida ta’kidlash zarur.
Shu tariqa “Barselona” 15-bor Ispaniya superkubogi sohibiga aylanib, eng yaqin taʼqibchisi “Real” (13) bilan farqni 2 taga oshirdi.
.jpg "X factor uzbekistan")
.png "YouTube UZREPORT TV")
