Lionel Messiga Saudiya Arabistonining 2 klubi 350 mln yevro maosh to'lashga tayyor
Bu Ronalduning maoshidan 1,75 baravar ko'proq degani
Fransiyaning PSJ klubi hujumchisi Lionel Messi Saudiya Arabistoni chempionatiga oʻtishga qiziqish bildirmoqda. “Marca” nashri xabariga koʻra, argentinalik 35 yoshli futbolchiga “Al-Hilol” va “Al-Ittihod” klublari daʼvogarlik qilmoqda.
Xabarlarga koʻra, ikkala klub ham Messiga mavsum uchun 350 mln yevro maosh toʻlashga tayyor. Ammo buning uchun ular mamlakat rasmiylariga moliyaviy yordam soʻrab murojaat qilish niyatida.
Shu bilan birga, har ikki klub hamon FIFA sanksiyalari ostida va turli operatsiyalardagi qoidabuzarliklar tufayli kelasi yozgacha yangi oʻyinchilar bilan shartnoma imzolay olmaydi.
Eslatib oʻtamiz, avvalroq Krishtianu Ronaldu Saudiyaning “Al-Nassr” klubiga oʻtgandi, u yiliga taxminan 200 mln yevro maosh oladi.
.jpg "X factor uzbekistan")
.png "YouTube UZREPORT TV")
