Mbappening PSJda qolishi to'g'ri bo'lganmi? Zlatan bunga javob berdi

Italiyaning “Milan” klubi hujumchisi Zlatan Ibrahimovich Kilian Mbappening PSJda qolish-qolmasligiga munosabat bildirdi.

“U uchun to‘g‘ri qaror bo‘ldimi? Yo‘q. Parij uchun-chi? Ha. Parij uchun emas, PSJ uchun. U PSJ uchun to‘g‘ri, lekin o‘zi uchun xato qaror qabul qildi. Chunki Mbappe o‘zini shunday holatga soldiki, natijada klubdan-da muhimroq bo‘lib qoldi. PSJ esa buning uchun kalitlarni berdi. Lekin sen klubdan muhimroq bo‘lishing kerak emas.

Bunday yigit katta bo‘lsa, osonlikcha pul topishi mumkin. Shu tariqa ota-onasi uning advokati, agenti va murabbiyi bo‘ladi. Turmush darajang o‘zgaradi. Va bu muammo. Bu vaqtda sen intizomingni, o‘zligingni yo‘qotasan. Yangi avlod o‘yinchilarining ota-onalari o‘zlarini yulduz deb hisoblay boshlagan. Ular OAVda chiqish qiladi. O‘zingdan kimni yasab olgansan? Jim bo‘l va joyingni bil. O‘g‘ling mehnat qilishi va intizomli bo‘lishi lozim”, — deydi Zlatan.

Eslatib o‘tamiz, Kilian Mbappega “Real” jiddiy qiziqish bildirgandi. Biroq fransuz PSJ bilan 2025-yilgacha mo‘ljallangan shartnoma imzoladi.

Mavzuga doir:

Mbappe Chempionlar Ligasida Messi o'rnatgan rekordni yangiladi

Mbappe va PSJ o‘rtasidagi shartnoma futbol tarixidagi eng qimmat bitim deya tan olindi

PSJ bosh murabbiyi Mbappe mojarosiga aralashib qoldi. U buning uchun iste’foga chiqarilishi mumkin

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 121500 | Инструменты