Romano: Neymar Braziliyaning Santos klubiga o'tadi
Saudiyaning "Al-Hilol" klubi hujumchisi Neymar vataniga qaytadi va o'zi professional faoliyatini boshlagan klubi - "Santos" bilan shartnoma imzolaydi. Bu haqda jurnalist Fabritsio Romano ijtimoiy tarmoqlarida xabar bermoqda.
Manbaning ta'kidlashicha, "Santos" "Al-Hilol"ga rasmiy taklif yuborgan.
Neymar 2023-yilning yozida 90 million yevro evaziga Fransiyaning "Pari Sen-Jermen" klubidan "Al-Hilol"ga o‘tgandi, u yangi jamoasi uchun beshta o‘yin o‘tkazib, bitta gol urishga muvaffaq bo‘ldi. 2023-yilning 18-oktabr kuni Neymar Braziliya terma jamoasi safida Urugvay bilan o‘yinda jarohat oldi. Uning tiklanishi uchun taxminan o'n oy vaqt ketishi kutilgandi.
Neymar 2013-yildan 2017-yilgacha "Barselona"da o'ynagan. "Barselona" a'zosi sifatida u ikki marta Ispaniya chempioni (2014/15, 2015/16) bo'ldi va uch marta Ispaniya kubogini qo'lga kiritdi. 2014/15 yilgi mavsumda kataloniyaliklar Chempionlar ligasida g'alaba qozonishgan.
2010-yildan buyon Neymar Braziliya terma jamoasi safida xalqaro maydonda to'p surmoqda. 2016-yilda u Olimpiya chempioni bo'ldi.
.jpg "X factor uzbekistan")
.png "YouTube UZREPORT TV")
