Ўзбекистон У23 Осиё Кубоги чоракфиналида Хитой билан ўйнайди
Саудия Арабистонида 23 ёшгача бўлган футболчилардан иборат терма жамоалар ўртасида Осиё Кубоги гуруҳ босқичи якунланди.
А гуруҳидан Ветнам ва Иордания, В гуруҳидан Япония ва БАА, С гуруҳидан Ўзбекистон ва Жанубий Корея, Д гуруҳидан Австралия ва Хитой чоракфиналга чиқди.
Шундан сўнг, чоракфинал жуфтликлари қуйидагича шаклланди:
16 январь,
1) Ветнам – БАА,
2) Япония – Иордания
17 январь,
3) Ўзбекистон – Хитой,
4) Австралия – Жанубий Корея
Ўзбекистон U23 рақиби бўлган Хитой ёшлар терма жамоаси гуруҳ босқичида Австралияни (1:0) мағлуб этиб, Ироқ (0:0) ва Таиланд (0:0) билан дуранг ўйнаган.
Яримфинал ўйинлари 20 январь куни ўтказилади, унда 1- ва 3- жуфтлик ғолиблари, 2- ва 4- жуфтлик ғолиблари тўқнаш келади.
У23 Осиё Кубоги бу йилги мавсумининг бошқаларидан фарқли жиҳати шундаки, унда Олимпиада йўлланмаси ўйналмайди. Шу сабабли, кўплаб жамоалар асосий таркиб билан иштирок этмаяпти.
У23 Осиё Кубоги 2013 йилдан бери ўтказилади. Унда Япония ёшлари энг кўп – 2 марта ғолиб чиққан, шу жумладан сўнгги турнирда ҳам. Шунингдек, Ироқ, Ўзбекистон, Жанубий Корея ва Саудия Арабистони ҳисобида биттадан ғалаба бор.
.png "YouTube UZREPORT TV")
