Al-Azhar va O‘zbekiston o‘rtasida yangi ilmiy loyihalar boshlanadi

Misrdagi islom olamining nufuzli ilmiy-diniy markazi — Al-Azhar rahbariyati O‘zbekiston bilan ilmiy va maʼrifiy sohadagi hamkorlikni yana-da kengaytirishga tayyorligini bildirdi. Bosh imom shayx Ahmad at-Tayyib O‘zbekiston delegatsiyasi bilan uchrashuvda ikki tomonlama ilmiy loyihalarni yo‘lga qo‘yish muhimligini taʼkidladi.

Uchrashuvda taʼlim va ilm-fan sohasidagi qator qo‘shma tashabbuslar muhokama qilindi. Jumladan, quyidagi yo‘nalishlarda hamkorlikni kuchaytirish masalalari ko‘rib chiqildi:

• ulamolar va mutaxassislar o‘rtasida tajriba almashinuv dasturlarini yo‘lga qo‘yish;

• o‘zbek talabalarining Al-Azharda taʼlim olishini qo‘llab-quvvatlash;

• qo‘shma ilmiy-tadqiqot loyihalarini amalga oshirish;

• konferensiyalar, master-klasslar va o‘quv seminarlarini tashkil etish.

O‘zbekiston tomoni uchrashuv davomida mamlakatda diniy-maʼrifiy sohada amalga oshirilayotgan islohotlar, ekstremizm va radikal g‘oyalarning oldini olish yuzasidan ko‘rilayotgan chora-tadbirlar, shuningdek, yoshlar bilan ishlashda maʼrifatning o‘rni haqida maʼlumot berdi.

Shayx Ahmad at-Tayyib O‘zbekiston bilan hamkorlikni tarixan muhim aloqa sifatida baholab, ikki mamlakat o‘rtasidagi ilmiy va taʼlimiy munosabatlarni yana-da chuqurlashtirish zarurligini taʼkidladi.

Uchrashuv yakunida tomonlar kelgusida:

• qo‘shma ilmiy loyihalarni amalga oshirish;

• akademik almashinuv dasturlarini yo‘lga qo‘yish;

• talabalar va mutaxassislar uchun qo‘shimcha grantlar ajratish;

• maʼrifiy tadbirlarini muntazam o‘tkazish bӯyicha kelishib olganini bildirdi.