Pekinda Oʻzbekiston–Xitoy forumi doirasida muhim memorandum imzolandi
Joriy yilning 28-avgust kuni Pekin shahrida boʻlib oʻtgan Oʻzbekiston–Xitoy savdo-iqtisodiy va investitsiya forumi doirasida Oʻzbekiston suv taʼminoti sohasida yangi bosqichni boshlab beradigan hujjat imzolandi.
Xususan, Navoiy va Samarqand viloyatlarida davlat-xususiy sheriklik asosida yirik infratuzilma loyihasini amalga oshirish boʻyicha “China Energy Overseas Investment Co., Ltd” hamda “Oʻzsuvtaʼminot” aksiyadorlik jamiyati oʻrtasida anglashuv memorandumi imzolandi.
Mazkur kelishuv suv taʼminoti tizimini modernizatsiya qilish, ichimlik suvi sifati va barqarorligini oshirish, shuningdek, mintaqalarda aholining hayot darajasini yaxshilashga qaratilgan. Loyiha doirasida zamonaviy texnologiyalarni joriy etish, xalqaro tajribadan keng foydalanish va investorlar bilan uzoq muddatli hamkorlikni yoʻlga qoʻyish koʻzda tutilgan.
Oʻzbekiston–Xitoy hamkorligi doirasidagi ushbu hujjat ikki tomonlama aloqalarning amaliy ifodasi boʻlib, suv sohasida barqaror rivojlanish maqsadlariga xizmat qiladi.
.png "YouTube UZREPORT TV")
