Xalqaro valyuta jamg‘armasi O‘zbekiston hukumatiga amaldagi pensiya tizimini isloh qilishni tavsiya qildi

Xalqaro valyuta jamg‘armasi O‘zbekiston hukumatiga amaldagi pensiya tizimini isloh qilishni tavsiya qildi.  Bu o‘rta muddatli istiqbolda uning barqarorligini ta’minlashga yordam beradi, shu bilan birga pensiyalarning yetarli miqdorini ta’minlaydi.

Pensiyaga chiqishning eng kam yoshini bosqichma-bosqich oshirish taklifi ilgari surildi, u hozirda erkaklar uchun 60 yoshni (kamida 25 yillik ish staji bilan), ayollar uchun — 55 yoshni (kamida 20 yillik ish staji bilan) tashkil etadi.

Boshqa takliflar orasida pensiya badallarining standart stavkasini asta-sekin oshirish, ma’lum turdagi tashkilotlar uchun pasaytirilgan (imtiyozli) badal stavkalaridan bosqichma-bosqich voz kechish bor.

Shuningdek, pensiya miqdorini butun mehnat faoliyati davomidagi o‘rtacha ish haqi asosida hisoblash hamda pensiyalarni narxlarning o‘sish darajasiga (inflyatsiyaga) muvofiq avtomatik tarzda indeksatsiya qilish mavjud.

Ta’kidlanishicha, keksalikda qashshoqlikni kamaytirishga qaratilgan har qanday ijtimoiy nafaqalar mablag‘larning mavjudligini tekshirish, budjetdan moliyalashtirish va boshqa ijtimoiy to‘lovlar bilan muvofiqlashtirish orqali takrorlanishning oldini olish kerak.

XVJ ma’lumotlariga ko‘ra, O‘zbekiston hukumati 2025-yilda pensiya islohoti loyihasini ishlab chiqishni rejalashtirmoqda. Pensiya islohoti konsepsiyasini sentyabr oyigacha prezidentga taqdim etish ko‘zda tutilgan.

Eslatib o'tamiz, bundan oldin Xalqaro valyuta jamg'armasi O‘zbekistonda tashqi qarz olish limitlariga rioya qilish kerakligini keltirgan edi.