Andijon viloyati Boʻston tumaniga Sanobarxon Nosirova hokim bo'ldi
Andijonning Bo'ston tumaniga yana ayol kishi hokim etib tayinlandi
Xalq deputatlari Boʻston tumani Kengashining navbatdan tashqari sessiyasida tashkiliy masala koʻrib chiqildi. Unda Andijon viloyati Boʻston tumani hokimi vazifasini bajaruvchi etib Nosirova Sanobarxon Abdinabiyevna tasdiqlandi. Bu haqda Andijon viloyati hokimligi matbuot xizmati xabar bermoqda.
Nosirova Sanobarxon Abdinabiyevna 1970-yilda Qoʻrgʻontepa tumanida tugʻilgan. 1992-yilda Andijon paxtachilik institutini hamda 2005-yilda Andijon muhandislik va iqtisodiyot institutini tamomlagan.
Mehnat faoliyatini 1992-yili Andijon viloyati Qoʻrgʻontepa tumani Savoy qishloq xoʻjalik texnikumida oʻqituvchilikdan vazifasidan boshlagan.
1995-2008-yillarda “Gʻallabank”ning Qoʻrgʻontepa tumani filialida kassir, bosh hisobchi, boshqaruvchi vazifalarida ishlagan.
2008-2012-yillarda Qoʻrgʻontepa tumani “Buyuk turon invest” kredit uyushmasining ijrosi direktori lavozimida faoliyat koʻrsatgan.
2016-yildan tayinlovga qadar Nosirova Sanobarxon Abdinabiyevna Qoʻrgʻontepa tumani “El rizqi non” masʼuliyati cheklangan jamiyati rahbari boʻlgan.
Andijon viloyati hokimligi matbuot xizmati Nosirova Sanobarxon Abdinabiyevna yangi lavozimga tayinlangani bilan tabriklab, faoliyatida ulkan muvaffaqiyatlar va zafarlar tilab qoladi.
.jpg "X factor uzbekistan")
.png "YouTube UZREPORT TV")
