"Bir bolaga bir daraxt" mezoni asosida koʻp qavatli uylar atrofiga mevali va manzarali daraxt koʻchatlari oʻtkazilmoqda
O'zbekistonda ekologik muhitni yaxshilash, ayniqsa, aholi zich joylashgan hududlarni koʻkalamzorlashtirishga e’tibor qaratish bugun har qachongidanda dolzarb ahamiyat kasb etmoqda.
Shu bois joylarda koʻp kvartirali uylarga xizmat koʻrsatuvchi boshqaruv servis kompaniyalari tomonidan turar-joy binolariga tutash hududlarda koʻkalamzorlashtirish ishlari amalga oshirilmoqda.
Xususan, Navoiy viloyatida joylashgan 130 dan ortiq koʻp kvartirali uyga xizmat koʻrsatib kelayotgan “Humo-Zilola barhayot” boshqaruv servis kompaniyasi tomonidan koʻp kvartirali uylar atrofiga 1 000 ga yaqin mevali va manzarali daraxt koʻchatlari ekilmoqda. E’tiborlisi, endilikda har bir daraxtning oʻz egasi, uning unib-oʻsishi uchun mas’ul belgilanadi.
Davlat rahbarining topshirigʻiga asosan koʻp kvartirali uylar atrofini koʻkalamzorlashtirish, aholi istiqomat qiladigan hududlarning ekologik muhitini yaxshilash maqsadida boshqaruv servis kompaniyalari tomonidan koʻchat ekish ishlari salmogʻi orttirilmoqda.
Shu ma’noda joylarda boshqaruv tashkilotlari tomonidan “Bir bolaga bir daraxt”mezoni asosida koʻp qavatli uylar atrofiga mevali va manzarali daraxt koʻchatlari oʻtkazilmoqda.
.jpg "X factor uzbekistan")
.png "YouTube UZREPORT TV")
