Dunyodagi eng kuchli armiyalar reytingida O‘zbekiston Qurolli Kuchlari 62-o‘rinni egalladi
Global Firepower tahliliy markazi tomonidan tuzilgan dunyoning eng qudratli armiyalari reytingida O‘zbekiston Qurolli Kuchlari 145 ta armiya orasida 62-o‘rinni egalladi.
Birinchi uchlikka AQSH, Rossiya va Xitoy, kuchli o‘nlikka Hindiston, Buyuk Britaniya, Janubiy Koreya, Pokiston, Yaponiya, Fransiya va Italiya kiradi.
Reytingning so‘nggi o‘rinlarini esa Moldova, Benin va Butan egalladi.
Qo‘shni davlatlardan Qozog‘iston — 63, Turkmaniston — 82, Qirg‘iziston — 107, Afg‘oniston — 114 va Tojikiston 120-o‘rinni egalladi.
Ma'lumot uchun, O‘zbekistonda xizmat ko‘rsatish uchun mavjud inson resurslarining umumiy soni 13,5 million kishini tashkil qiladi. Har yili potensial ishga qabul qilinganlar soni 622 ming kishiga to‘ldirilmoqda. Ayni paytda O‘zbekiston Qurolli Kuchlarida 65 ming kishi xizmat qilmoqda.
O‘zbekiston Harbiy havo kuchlari tarkibidagi samolyotlarning umumiy soni 197 ta: 58 ta qiruvchi samolyot, 20 ta hujumchi samolyot, 13 ta harbiy transport samolyoti, 7 ta o‘quv samolyoti, shuningdek, 99 ta vertolyot va 33 ta harbiy vertolyot.
Shuningdek, O‘zbekistonda 420 ta tank, 197 ta o‘ziyurar artilleriya moslamasi va 143 ta ko‘p raketa tizimidan foydalaniladi.
.jpg "X factor uzbekistan")
.png "YouTube UZREPORT TV")
