Farg‘onada IIB muassasasida vafot etgan 14 yoshli bolaning o‘limiga kim sababchi bo'lgani ochiqlandi
Bosh prokuratura bu bo'yicha izoh berdi
Avvalroq, Farg'onada IIBga olib ketilgan bola vafot etgani va viloyat prokuraturasi, sud-tibbiy ekspertizasi bu bo'yicha ma'lumot bergani haqida xabar bergan edik.
Bosh prokuraturaning so'nggi bergan ma'lumotlariga ko'ra, 14 yoshli voyaga yetmagan shaxs joriy yil 17-oktyabr kuni Farg‘ona viloyati IIB muassasasida vafot etgan. Hozirgi kunda ushbu holat bo‘yicha Jinoyat kodeksining 104-moddasi 3-qismi “d” bandi bilan jinoyat ishi qo‘zg‘atilib, tergov harakatlari olib borilmoqda.
Tergov mobaynida 2 nafar voyaga yetmagan tarbiyalanuvchi marhum R.Abdusattorovni urib, uning o‘limiga sabab bo‘lgan tan jarohatlari yetkazishgani ma’lum bo‘ldi.
Mazkur holat guvohlarning ko‘rsatuvlari va boshqa dalillar bilan o‘z isbotini topdi. Shu sababli, jinoyat ishi doirasida ushbu 2 nafar voyaga yetmagan tarbiyalanuvchi qamoqqa olindi. Bundan tashqari, ichki ishlar xodimlariga nisbatan xizmat tekshiruvi tayinlangan. Bosh prokuratura tomonidan mazkur jinoyat ishi tergovi va tekshiruv ustidan nazorat o‘rnatilgan.
.png "YouTube UZREPORT TV")
