GITEX GLOBAL 2024: Huawei sanoatni raqamli va intellektual o‘zgartirish uchun bir qator yechimlarni ishga tushiradi, shuningdek, flagman mahsulotlarini taqdim etadi

14-18-oktabr kunlari Huawei kompaniyasi dunyodagi eng yirik GITEX GLOBAL 2024 texnologik ko‘rgazmalaridan birida ishtirok etib, "Raqamlashtirish va sanoatni intellektual rivojlantirishni jadallashtirish" umumiy mavzusida qator tadbirlar o‘tkazadi. 

Ko‘rgazmaning birinchi kunida Huawei kompaniyasi "Industrial Digital and Intelligent Transformation Summit" tadbirini o‘tkazdi va hamkorlar bilan kommunal xo‘jaligi, transport, moliya, elektr energetikasi, neft va gaz, tog‘-kon sanoati, chakana savdo, ta’lim va sog‘liqni saqlash kabi o‘n nafar tarmoq uchun qo‘shma yechimlarni taqdim etdi, shuningdek, yangi flagman mahsulotlar seriyasini namoyish etdi. Ushbu yechimlar va mahsulotlar mijozlarni raqamli va intellektual transformatsiyada qo‘llab-quvvatlash uchun mo‘ljallangan.

Huawei mijozlarga muvaffaqiyatga erishish, mahalliy hamkorlar uchun imkoniyatlar ochish va mahalliy iste’dodlarni rivojlantirishda yordam berish uchun doimiy ravishda innovatsiyalarni joriy etadi

Huawei kompaniyasining katta korporativ vitse-prezidenti, savdo va AKT bo’yicha xizmat ko’rsatish bo‘limi prezidenti Li Pen sammitda kirish so‘zi bilan chiqdi. "Biz tarmoq, ma’lumotlarni saqlash, hisoblash, bulutli texnologiyalar va energetika sohasidagi kuchli jihatlarimizni birlashtiramiz va yangi raqamli hamda intellektual infratuzilmani yaratishda mijozlar bilan hamkorlik qilamiz," — dedi Li.

O‘tgan yili Huawei kompaniyasi tarmoqlarni intellektual o‘zgartirish uchun namunalar arxitekturasini chiqardi. Li o‘z chiqishida Huawei kompaniyasi hukumat, moliya, elektr energiyasi, transport, ishlab chiqarish, neft va gaz, tog‘-kon sanoati hamda Internet kabi sohalar uchun mijozlarga ilg‘or va moslashuvchan yechimlarni taqdim etish uchun ushbu arxitekturani qanday amalga oshirilganini batafsil so'zlab berdi. "Biz raqamli va intellektual transformatsiyani jadallashtirish uchun turli soha mijozlari foydalanishi mumkin bo‘lgan 100 dan ziyod mavzuli tadqiqotlarni umumlashtirdik," — dedi Li.

"Mazkur yutuqlarga hamkorlarimizsiz erisha olmas edik," — deya davom etdi Li. "Huawei kompaniyasida biz sog‘lom, ochiq va o‘zaro manfaatli hamkorlik ekotizimini yaratishga intilamiz. Shuningdek, biz mahalliy yechimlar bo‘yicha hamkorlar bilan qo‘shma innovatsiyalarni qo‘llab-quvvatlash uchun butun dunyo bo‘ylab 14 ta ochiq laboratoriya (OpenLabs) yaratdik."

Li Huawei kompaniyasi hamkorlarga oddiy yechimlar, bozorda talabgir bo‘lgan mahsulotlar, biznesni qo‘llab-quvvatlash bo‘yicha keng qamrovli xizmatlar va kichik hamda o‘rta biznesga yanada mustaqil, oson shu bilan birga samarali xizmat ko‘rsatishga yordam beradigan samarali raqamli platformalarni taqdim etib, doimiy ravishda innovatsiyalarni joriy qilayotgani haqida ham so‘zlab berdi.

So‘z yakunida janob Li Pen Huawei kompaniyasining mahalliy raqamli iste’dodlarni rivojlantirish va barqaror rivojlanishga ko‘maklashish kaliti bo‘lgan tarmoq ekotizimini rivojlantirish borasidagi sa’y-harakatlari haqida gapirib berdi. "Oldinga qarab borar ekanmiz, Huawei sanoatni raqamli va intellektual o‘zgarishini ta’minlash hamda butun dunyo bo‘ylab odamlarning hayoti va faoliyatiga yanada ko‘proq foyda keltirish uchun ko‘plab mijozlar va hamkorlar bilan kuchlarni o'zaro birlashtirishga tayyor va bunga katta istak bildiradi," — deya qo‘shimcha qildi Li.

Li Pen, Huawei kompaniyasining katta korporativ vitse-prezidenti, savdo va AKT bo’yicha xizmat ko‘rsatish bo‘limi prezidenti

Unumdorlikni oshirish uchun sanoatni raqamlashtirish va intellektualligini jadallashtirish

Raqamli va intellektual transformatsiya to‘lqinida Huawei barcha tomonlarni o'zaro birlashishga va yangi imkoniyatlardan foydalanishga chaqiradi.

Huawei kompaniyasining katta korporativ vitse-prezidenti va korporativ savdo bo'yicha prezidenti Leo Chen o‘zining dasturiy nutqida sun’iy intellekt va 5G-A samaradorlikning sezilarli darajada o‘sishiga olib keladigan to‘rtinchi sanoat rivojiga hissa qo‘shadigan keyingi avlod texnologiyalaridan biri ekanligini ta’kidladi. Biroq, bu transformatsiya infratuzilma, turli sanoat ilovalari va iqtidor ekotizimlari uchun ham muammolar tug‘diradi. Huawei kompaniyasi mijozlar va hamkorlarga intellektual davrda muvaffaqiyatga erishishda yordam berish uchun o‘zining noyob ustunliklaridan foydalanishga intiladi.

Kelajakda Huawei tarmoqlarga sun’iy intellektdan foydalanish uchun tayyor AKT infratuzilmasini yaratishda yordam berish uchun ulanish, ma’lumotlarni saqlash, hisoblash va bulutli texnologiyalar sohasidagi keng qamrovli imkoniyatlaridan foydalanishda davom etadi.

Huawei shuningdek, biznesning og‘riqli nuqtalarini hal qilish uchun turli sohaviy ssenariylarda ilg‘or texnologiyalarni qo‘llashni tezlashtiradi. Shu maqsadda Huawei kompaniyasi  Amplifying Industrial Digitalization & Intelligence Practice White Paper ("Sanoatlarni raqamlashtirish va intellektuallashtirishni jadallashtirish") nomli Oq Kitobni nashr etdi, unda 20 dan ortiq tarmoqlardan 100 dan ziyod muvaffaqiyat tarixi mavjud bo‘lib, o‘z transformatsiyasi davomida mijozlar unga tayanishlari mumkin.

Bundan tashqari, Huawei o‘z mijozlari bilan hamkorlik tizimini mustahkamlash va raqamli hamda intellektual iqtidorlar ekotizimini rivojlantirishni rejalashtirmoqda. Huawei kompaniyasi IDC bilan birgalikda butun dunyo bo‘ylab mijozlarga transformatsiya uchun miqdoriy baholash ko‘rsatkichlarini taklif qilish uchun yangi Global raqamli indeks (GDI)ni taqdim etdi. Ushbu tashabbuslar Huawei kompaniyasining barcha sohalarga intellektual texnologiyalarni joriy etishga intilishini namoyish etadi.

Leo Chen, Huawei kompaniyasining katta korporativ vitse-prezidenti va korporativ savdo bo'yicha prezidenti

Raqamli va intellektual transformatsiya asoslarini mustahkamlash yo’lida yangi avlod AKT infratuzilmasini yaratish

Huawei kompaniyasining AKT marketingi va yechimlarni sotish bo‘yicha vitse-prezidenti Devid Shi o‘zining dasturiy nutqida intellektual davrda muvaffaqiyatga erishish uchun korxonalar uchun ishonchli AKT infratuzilmasini yaratish muhimligini ta’kidladi. U ushbu transformatsiyani jadallashtirish uchun ikkita asosiy jihatni ajratib ko‘rsatdi: AKT infratuzilmasini ommalashtirishni jadallashtirish va monetizatsiyani jadallashtirish. "Mijozlarimiz va hamkorlarimiz bilan yaqindan hamkorlik qilsakgina, barcha sohalarga chinakam intellektuallik olib kirishimiz mumkin. Huawei kompaniyasi raqamli va intellektual infratuzilmani yaratish, yangi davrda muvaffaqiyat qozonish va yaxshiroq kelajak yaratish uchun barchangiz bilan ishlashga tayyor," — dedi Shi.

AKT infratuzilmasini ommalashtirishni jadallashtirish ko‘proq hamkorlar va mijozlarga AKT infratuzilmasini to‘siqsiz integratsiya qilish, undan foydalanish imkonini beradi, bu esa biznes ehtiyojlari bilan birgalikda rivojlanishiga ham imkon beradi. Huawei kompaniyasi AKT infratuzilmasini yaratish va undan foydalanishni soddalashtirish uchun to‘rtta tamoyilni taklif qildi: integratsiya qilish, foydalanish va rivojlantirish uchun qulaylik. Bu kampuslar, global tarmoqlar va ma’lumotlarni qayta ishlash markazlari kabi odatiy ssenariylarda AKT infratuzilmasidan keng foydalanishni osonlashtiradi, uni turli tarmoqlar, shuningdek, mikro, kichik va o‘rta korxonalar uchun yanada qulay qiladi.

Monetizatsiyani jadalllashtirish raqamli va aqlli texnologiyalar yordamida xizmatlar va qiymat yaratish sohasidagi innovatsiyalarni jadallashtirish, texnologiyalar va ssenariylar integratsiyasi, shuningdek, korxonalarning uzluksiz o‘sishini qo‘llab-quvvatlaydigan hamkorlik ekotizimini yaratishni nazarda tutadi.

Huawei kompaniyasi turli ssenariylarda mijozlarning talablarini qondirish uchun innovatsiyalar va bir qator sanoat yechimlarini ishlab chiqishga intiladi. Ushbu yechimlar mijozlarga bosqichma-bosqich transformatsiyaga erishishga yordam beradi. Sammit davomida Huawei kompaniyasi hamkorlari bilan birgalikda o‘nta tarmoq uchun raqamli va intellektual transformatsiya yechimlarini taqdim etdi, jumladan, milliy hukumat uchun bulutli yechim, AKT sohasidagi iste’dodlarni rivojlantirish uchun yechim, tibbiy texnologiyalarni raqamlashtirish uchun yechim 2.0, Digital CORE yechimi, aqlli chakana savdo uchun yechim, One-Cloud, One-Network, Multi-Hub yechimi, transport operatsiyalarini muvofiqlashtirish markazi uchun yechim (TOCC-A), taqsimlash uchun aqlli yechim, xodimsiz ochiq karyerlar uchun yechim va neft hamda gaz konlari uchun aqlli yechim. Ushbu yechimlar mijozlarga intellektual davrda ko‘proq muvaffaqiyatga erishishga yordam beradi.

Bundan tashqari, Huawei AKT infratuzilmasini ommalashtirishni optimallashtirishga va uni joriy etishga ko‘maklashishga intiladi. Kampuslar, global tarmoqlar va ma’lumotlarni qayta ishlash markazlari kabi odatiy ssenariylarga e’tibor qaratib, Huawei kompaniyasi flagman mahsulotlari va portfolioni chiqardi, shuningdek, foydalanuvchi uchun qulay HUAWEI eKit mahsulotlarini ishlab chiqdi. Ular mijozlar va hamkorlar uchun yanada samarali integratsiya va foydalanishni ta’minlab, korxonalar raqamli rivojlanishining kuchli vositasi sifatida xizmat qiladi.

Huawei kompaniyasining AKT marketingi va yechimlarni sotish bo‘yicha vitse-prezidenti Devid Shi

Intellektual davrda birgalikdagi o‘sish va muvaffaqiyat

Huawei "SHAPE" tizimi beshta asosiy yo‘nalishda hamkorlarni qo‘llab-quvvatlaydi: yetakchilikni qo‘llab-quvvatlash, hamkorlar bilan birgalikdagi innovatsiyalarni takomillashtirish, hamkorlik imkoniyatlarini rivojlantirishga ko‘maklashish, hamkorlik tajribasini ilgari surish va hamkorlarning o‘sish imkoniyatlarini kengaytirish. Huawei intellektual davrda mijozlar bilan o‘zaro manfaatli natijalarga erishish uchun hamkorlik qiladi.

"Biz mijozga yo‘naltirilgan madaniyatni yaratish borasida hamkorlar bilan birgalikda ishlaymiz, va "umumiy manfaatlar ko‘prik sifatida, halollik asos sifatida va qoidalar kafolat sifatida" tamoyiliga amal qilgan holda sog‘lom biznes muhitini yaratishga yordam beramiz va mijozlarimizga raqamli hamda intellektual transformatsiya yo‘liga muvaffaqiyatli kirishga yordam berish uchun birgalikda rivojlanamiz," — dedi Huawei global hamkorlik, tijorat va korporativ savdo bo‘limi prezidenti Ernest Chjan.

Asosiy korporativ mijozlarga xizmatlarni taqdim etish uchun Huawei kompaniyasi mijozlar uchun samaradorlikni oshiradigan takomillashtirilgan raqamli va aqlli yechimlarni yaratish uchun faoliyat yuritadi. Kichik va o’rta biznes bozorida Huawei hamkorlarni uchta asosiy yo‘nalishda qo‘llab-quvvatlash strategiyasini amalga oshirmoqda: maqsadli mahsulotlar va ssenariy asosidagi yechimlarni ishlab chiqish, soddalashtirilgan bitimlarni ro‘yxatdan o‘tkazish jarayoni va turli rag‘batlantirishlarni taklif qilish, shuningdek, keng qamrovli treninglar va IT vositalarini taqdim etish. Savdo bozorida Huawei kompaniyasi hamkorlarni o‘z mahsulotlarini sotib olish, sotish, o‘rnatish, xizmat ko‘rsatish, o‘rganish va foydalanish oson bo‘lishini ta’minlashga chaqiradi.

Huawei o‘z imkoniyatlarini hamkorlar bilan o'rtoqlashishga, sanoat modernizatsiyasini rag‘batlantirish uchun innovatsiyalar sohasida hamkorlik qilishga va yanada tartibli, moslashuvchan hamda samarali biznes uchun sheriklar bilan hamkorlikni yaxshilashga intiladi.

"Huawei bilan hamkorlik koʻproq oʻsish imkoniyatlari, yuqori operatsion samaradorlik, katta biznes rentabelligi va AIni qoʻllab-quvvatlashning kuchli imkoniyatlarini anglatadi.," — dedi Chjan.

Ernest Chjan, Huawei global hamkorlik, tijorat va korporativ savdo bo‘limi prezidenti

Raqamli va intellektual transformatsiyaning innovatsion amaliyotlarini namoyish etish

GITEX GLOBAL 2024 doirasidagi Huawei ko‘rgazma zonasining maydoni 1400 kvadrat metrdan ortiq bo‘lib, intellektual transformatsiya uchun Huawei namunalar arxitekturasi asosida intellektual texnologiyalarning turli sanoat tarmoqlari bilan integratsiyasini namoyish etadi. Tashrif buyuruvchilar innovatsion o‘zgarishlarning turli xil global amaliyotlarini ko‘rishlari mumkin.

GITEX GLOBAL 2024 14-18 oktabr kunlari Dubaydagi Butunjahon savdo markazida bo‘lib o‘tadi. Huawei stendlari 22-pavilonning B10 va B20 bo‘limlarida joylashgan. Qo‘shimcha ma’lumot uchun https://e.huawei.com/ae/events/branding/gitex ga tashrif buyuring.