Namangan 6 oy davomida eng ko'p tug'ilish qayd etilgan hudud bo'ldi
Milliy statistika qo‘mitasi yanvar–iyun oylarida O‘zbekistonda 373 389 ta tirik tug‘ilish qayd etilgani haqida ma'lumot berib, TOP 10 talikka kirgan hududlarni sanadi
O'zbekistonda 6 oy davomida eng ko'p tug'ilish Namangan shahrida qayd etilgan. Milliy statistika qo‘mitasi yanvar–iyun oylarida O‘zbekistonda 373 389 ta tirik tug‘ilish qayd etilgani haqida ma'lumot berdi.
Mazkur davrda Namangan shahrida 8 181 ta chaqaloq tug'ilib, mamlakatda eng ko'p tirik bola tug'ilgan hudud sifatida qayd etilgan.
Ikkinchi o'rinda Samarqand viloyati Urgut tumanida bo'lib, 7 014 ta ona bolasini bag'riga bosgan. Uchinchi o'rinda esa respublika bo'yicha aholisi eng zich joylashgan hudud - Andijon shahri. U yerda 6 306 ta chaqaloq dunyoga kelgan.
Quyida TOP 10 talikka kirgan hududlarning qolgan qismi ketirilgan:
Samarqand shahri — 5 559 ta;
Denov tumani (Surxondaryo v.) — 5 542 ta;
Pastdarg‘om tumani (Samarqand v.) — 3 968 ta;
Koson tumani (Qashqadaryo v.) — 3 878 ta;
Qamashi tumani (Qashqadaryo v.) — 3 874 ta;
Olmazor tumani (Toshkent sh.) — 3 700 ta;
Asaka tumani (Andijon v.) — 3 446 ta.
.png "YouTube UZREPORT TV")
