Endi bo'lajak talabalarga birinchi yo'nalishda ham super-kontrakt asosida o‘qishga ruxsat beriladi
O‘zbekiston Oliy ta’lim, fan va innovatsiyalar vazirligi 1-yo‘nalishda super-kontrakt asosida o‘qishga ruxsat berilganini e’lon qildi.
Ma’lum qilinishicha, 2026/2027-oʻquv yili kirish imtihonlari natijasiga ko‘ra, 2–5-yo‘nalishlardan biriga grant yoki to‘lov-kontrakt asosida o‘qishga qabul qilingan abituriyentlar uchun o‘z xohishiga binoan 1-tanlagan yo‘nalishida o‘qish imkoniyati yaratildi.
Unga ko‘ra, tanlovda ishtirok etib, 2–5-bakalavriat ta’lim yo‘nalishlaridan biriga davlat granti yoki to‘lov-kontrakt asosida talabalikka tavsiya etilgan abituriyentlarga o‘z xohishlariga ko‘ra ustuvorligi bo‘yicha tanlagan birinchi ta’lim yo‘nalishida tabaqalashtirilgan to‘lov-kontrakt asosida o‘qishga ruxsat berildi (maqsadli qabul asosida tavsiya qilinganlar bundan mustasno).
Bunda o‘qishga qabul qilish oliy ta’lim tashkiloti rektori (direktori) tomonidan belgilanadigan tabaqalashtirilgan to‘lov-kontrakt miqdorida to‘lovni amalga oshirish sharti bilan amalga oshiriladi.
Mazkur tartib barcha davlat oliy ta’lim tashkilotlariga, shu jumladan, tashkiliy va moliyaviy mustaqillik berilgan OTTga ham tatbiq etiladi.
.png "YouTube UZREPORT TV")
