Navoiyda salonida 47 nafar yo‘lovchisi bo‘lgan avtobus YTHga uchradi
Navoiy viloyatida ichida 47 nafar yo‘lovchi bo‘lgan avtobus YTHga uchragani aytilgan xabar ijtimoiy tarmoqlarga sizdirildi. Ushbu xabar yuzasidan Navoiy viloyati IIB Matbuot xizmati izoh berdi.
Unga ko‘ra, joriy yilning 5 yanvar kuni soat 7:40 atrofida Tomdi tumani “Tomdibuloq” OFY hududidan o‘tgan A-379 “Navoiy-Uchquduq” xalqaro ahamiyatga molik avtomobil yo‘lining 167-168 km.lari oralig‘ida yo‘l-transport hodisasi sodir etilgan.
Dastlabki surishtiruvlarga ko‘ra salonida 47 nafar yo‘lovchisi bo‘lgan ZHONG TONG BUS rusumli avtobusni “Zarafshon-Navoiy” yo‘nalishi bo‘ylab boshqarib borayotgan 1986 yilda tug‘ilgan fuqaro Sh.X. rul boshqaruvini yo‘qotib, yo‘nalishi bo‘yicha yo‘lning o‘ng tomoniga chiqib ketib ag‘darilib, YTH sodir etgan.
Hodisa oqibatida yo‘lovchi sifatida ketayotgan 2 nafar fuqaro olgan tan jarohatlari sababli voqea joyida vafot etgan. Turli ko‘rinishdagi tan jarohatlari olgan 9 nafar fuqarolar tibbiyot muassasalariga yotqizilgan.
Hozirda vaziyatni to‘liq o‘rganish, jabrlanganlar va ularning oila aʼzolariga yordam ko‘rsatish hamda og‘ir oqibatlarga olib kelgan shart-sharoitlarga huquqiy baho berish maqsadida Navoiy viloyati IIB tomonidan voqea tafsilotlari o‘rganilmoqda.
.png "YouTube UZREPORT TV")
