Huawei 1
Qohira universiteti kutubxonasida o'zbek tili va adabiyoti burchagi tashkil etiladi

O'zbekistonning Misrdagi elchixonasi rahbariyati Qohira universitetining yangi tayinlangan rektori professor Muhammad Somiy Abdulsodiq bilan uchrashuv o'tkazdi, deb xabar qilmoqda "Dunyo" AA.

Muloqot chog'ida Qohira universiteti va Toshkent davlat sharqshunoslik universiteti o'rtasida yaqindan hamkorlik aloqalarini o'rnatish hamda o'zbek tilini o'rganayotgan misrlik talabalarni qo'llab-quvvatlashga alohida e'tibor qaratildi.

Misr tomoni Qohira universiteti kutubxonasida o'zbek tili va adabiyoti burchagini tashkil etish taklifini qo'llab quvvatladi. Shuningdek, o'zbek va arab tili o'qituvchilari hamda o'zaro talabalar almashish, O'zbekistonda Qohira universiteti filialini tashkil etish, hamkorlikda darsliklar tayyorlash imkoniyatlari muhokama qilindi.

Rektor Muhammad Somiy Abdulsodiq Qohira universitetida 2025-yil fevral oyida bo'lib o'tadigan Adabiyot va madaniyat yarmarkasiga mamlakatimiz vakillarini ishtirok etishga taklif etdi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 112513 | Инструменты