Rossiyadagi O‘zbekiston fuqarolarini qaytarish maqsadida maxsus poyezd qatnovlari yo‘lga qo‘yildi
Rossiyadagi O‘zbekiston fuqarolarini qaytarish maqsadida maxsus poyezd qatnovlari yo‘lga qo‘yildi
Pandemiya davrida Rossiyada qolib ketgan O‘zbekiston fuqarolarini qaytarish maqsadida “O‘zbekiston temir yo‘llari” aksiyadorlik jamiyati “Voljskiy-Toshkent” yo‘nalishida 483-sonli yo‘lovchi poyezdining maxsus reysi yo‘lga qo‘yildi. Bu haqda "O'zbekiston temir yo'llari" AJ xabar bermoqda.
Ma'lum qilinishicha, mazkur poyezd joriy yilning 27 avgust kuni soat 20:57 da “Voljskiy-Toshkent” yo‘nalishida harakatini amalga oshiradi.
30 avgust kuni “Tolyatti-Toshkent” yo‘nalishida 446-sonli yo‘lovchi poyezdining maxsus reysi yo‘lga qo‘yiladi. Bu poyezd Tolyatti vokzalidan soat 12:35 da jo‘naydi.
Mazkur poyezdlarga faqat bir tomonga, ya’ni “Voljskiy-Toshkent” hamda “Tolyatti-Toshkent” yo‘nalishlariga chiptalar sotiladi. Yo‘lovchilarga chipta xarid qilishda qulaylik yaratish maqsadida chiptalarni elektron tarzda sotish yo‘lga qo‘yilgan.
.jpg "X factor uzbekistan")
.png "YouTube UZREPORT TV")
