Saidazim Gulyamov “UzAuto Motors Powertrain” bosh direktori vazifasini bajaruvchi etib tayinlandi
“UzAuto Motors Powertrain” kompaniyasiga bosh direktor vazifasini bajaruvchi tayinlandi, bu haqda Korporativ axborot yagona portalidan ma’lum bo‘ldi.
Kompaniya boshqaruvchi direktori lavozimiga Saidazim Gulyamov tayinlandi. Kompaniya aksiyadorlari 26-dekabr kuni bo‘lib o‘tgan yig‘ilishda tegishli qarorni qabul qildilar.
Gulyamov yangi rahbar tayinlangunga qadar kompaniya rahbari vazifasini bajaruvchi bo‘lib qoladi, bu masala bo‘yicha 2025-yilning 30-iyuniga qadar qaror qabul qilinishi kerak. Bu vaqtda unga bosh direktorga beriladigan barcha huquq va majburiyatlar beriladi.
“UzAuto Motors” va “UzAuto Motors Powertrain” kompaniyasining avvalgi rahbari Bu Andersson 27-dekabr kuni 3 yil-u 4 oy ishlaganidan so‘ng lavozimini tark etdi. Ta’kidlanishicha, uning egallab turgan lavozimi “taraflarning kelishuviga asosan” bekor qilingan.
Saidazim Gulyamov 2016-yildan boshlab Andersson tayinlangunga qadar “UzAuto Motors Powertrain"ni boshqargan va qariyb 15 yil — 2010-yilning aprelidan buyon kompaniyada ishlagan. Bungacha u “GM Uzbekistan"da to‘qqiz oy, avval esa Amerikaning “Regions Bank"ida 8 yil ishlagan.
.jpg "X factor uzbekistan")
.png "YouTube UZREPORT TV")
