Samarqand viloyatida “Vavilon” nomli “Ko‘ngilochar cho‘milish suv havzasi” ish boshladi
4,4 gektar maydonda mavjud basseynlar ta’mirlanib, zamonaviy turdagi 3 ta kattalar uchun, 5 ta bolalar uchun mo‘ljallangan cho‘milish havzalari va 35 ta suv attratsioni o‘rnatilib, ishga tushirildi.
Kuni kecha Samarqand viloyati Samarqand tumanining Yangiariq mahallasida “Vavilon” nomli “Ko‘ngilochar cho‘milish suv xavzasi” mahalliy aholi va mamlakatimiz mehmonlariga o‘z eshigini ochdi. Fuqarolar ayniqsa, yosh o‘g‘il – qizlarning dam olish kunlarini mazmunli va maroqli o‘tkazish maqsadida ish boshlagan ushbu kompleks Tashqi iqtisodiy faoliyat milliy bankning imtiyozli kreditlari evaziga rekonstruksiya qilinib, eng so‘ngi va zamoniviy attraksionlar bilan jihozlandi.
Xozirgi inshoot o‘rnida bir vaqtlar tashlandiq istiroxat bog‘i bo‘lgan. Prezidentimiz tashabbusi va Tashqi iqtisodiy faoliyat milliy bankning moliyaviy ko‘magi bilan 4,4 gektar maydonda mavjud basseynlar ta’mirlanib, zamonaviy turdagi 3 ta kattalar uchun, 5 ta bolalar uchun mo‘ljallangan cho‘milish havzalari va 35 ta suv attratsioni o‘rnatilib, ishga tushirildi. Ta’kidlash kerakki, bugun mazkur akvapark hududidan nafaqat yozgi cho‘milish havzalari va qishki basseynlar, sauna-basseynlar, balki bolalar, o‘smirlar va kattalar uchun attraksionlar, futbol, maydonchalari va boshqa turdagi sport-sog‘lomlashtirish va dam olish maskanlari ham joy olgan. Soya tashlab turgan soyabonlar esa did bilan bezatilgan.
.png "YouTube UZREPORT TV")
