Samarqandda 897,5 mln so‘mlik tabiiy gazni o‘g‘irlagan oshxona va novvoyxona aniqlandi
Bosh prokuratura huzuridagi Departamentning Samarqand viloyati Pastdarg‘om tuman bo‘limi tomonidan “O‘zenergoinspeksiya” boshqarmasi xodimlari bilan hamkorlikda o‘tkazilgan tezkor tadbirda “Furqat” MFY hududida faoliyat yurituvchi “N.P.” oilaviy korxonasi rahbari I.E. umumiy ovqatlanish shoxobchasini va novvoyxonasida hech qanday hujjatsiz umumiy foydalanishdagi gaz tarmog‘idan gaz hisoblagichdan tashqari tijorat maqsadida quvur tortib jami 897,5 mln so‘mlik tabiiy gazni o‘g‘irlaganligi aniqlangan.
Departamentning Andijon shahar bo‘limi tomonidan “O‘zenergoinspeksiya” va elektr ta’minoti korxonasi xodimlari bilan hamkorlikda o‘tkazilgan tezkor tadbirda “G.N.” va “M.G.” MCHJ masʼul shaxslari oziq-ovqat mahsulotlari ishlab chiqarish sexi hamda umumiy ovqatlanish shoxobchasini hech qanday hujjatsiz tijorat maqsadida umumiy foydalanishdagi elektr tarmog‘iga o‘g‘rilik yo‘li bilan ulab, jami 164,2 mln so‘mlik elektr energiyasidan noqonuniy foydalanganligi aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda
.png "YouTube UZREPORT TV")
