Huawei 1
"Sen nega maymunga aylanyapsan?": Toshkentdagi yana bir bog‘chada tarbiyachi bolani urdi

Toshkentning Mirzo Ulug‘bek tumanidagi bog‘chada bolaga kuch ishlatilgani aniqlandi. Holat aks etgan video ijtimoiy tarmoqlarda tarqaldi.

Bolalar ombudsmanining xabar berishicha, voqea 30-aprel kuni soat 11:00 da Mirzo Ulug‘bek tumanida joylashgan 512-sonli maktabgacha ta’lim muassasasida sodir bo‘lgan.

11-guruh tarbiyachisi N.T. guruhda tarbiyalanuvchilardan birining tug‘ilgan kunini nishonlash jarayonini videoga olayotganida 5 yoshli bolaning xatti-harakatlaridan norozi bo‘lib, bosh qismiga bir necha marotaba qo‘li bilan urgan.

“Men bu yerda video qilyapman, sen nega maymunga aylanyapsan?” — deya tanbeh bergan tarbiyachi bolaga.

Bolalar ombudsmani mazkur holatni o‘z kuzatuviga oldi. Prokuratura tomonidan tergovga qadar tekshiruv ishlari olib borilmoqda.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 42003 | Инструменты