Шавкат Мирзиёев Рим папаси вафоти муносабати билан ҳамдардлик билдирди
Ўзбекистон Республикаси Президенти Шавкат Мирзиёев Рим папаси Францискнинг вафоти муносабати билан Рим-католик черкови камерленгоси кардинал Кевин Фарреллга ҳамдардлик йўллади. Бу ҳақда Президент матбуот котиби Шерзод Асадов маълум қилди.
“Давлатимиз раҳбари ўз мактубида Руҳоний Ҳазратлари Ўзбекистон ва Ватикан ўртасидаги алоқаларни ривожлантириш, динлар ва конфессиялараро дўстликни мустаҳкамлаш, бутун жаҳонда муҳтож инсонларни қўллаб-қувватлаш, эзгу ғояларни кенг тарғиб этиш ишига муносиб ҳисса қўшганини таъкидлади”, дейди Асадов.
Шунингдек, Президент Мирзиёев Ватикан халқига, ер юзидаги бутун католик аҳлига чуқур таъзия ва ҳамдардлик туйғуларини изҳор этган.
Рим папаси Франциск 21 апрель куни 88 ёшида вафот этди. Папа 2013 йил Рим-католик черкови раҳбариятини ўз қўлига олганидан бери жами тўрт марта касалхонага ётқизилган. У 2021 йилда қорин бўшлиғида жиддий жарроҳлик амалиётини ўтказган. Бундан ташқари, 2023 йилда чандиқ тўқимасини ва қорин чуррасини даволаш мақсадида яна бир операцияни бошдан кечирган.
.png "YouTube UZREPORT TV")
