Sigaretalar tarkibiga talablar belgilanmoqda
Vazirlar Mahkamasining “Tamaki mahsulotlari uchun texnik reglamentni tasdiqlash to‘g‘risida”gi qaror qabul qilindi.
Hujjat bilan tamaki mahsulotlari uchun texnik reglament tasdiqlandi. U 2025-yilning 1-yanvaridan kuchga kiradi. Texnik reglament:
- eksport qilishga yoki respublika hududi orqali tranzit uchun mo‘ljallangan;
- yuridik shaxslar tomonidan ko‘rgazmali namunalar, sinovlar uchun namunalar sifatida sotish maqsadisiz olib kirilgan;
- jismoniy shaxslar, jumladan, chet el fuqarolari tomonidan o‘z ehtiyojlari uchun foydalanish va keyinchalik sotish maqsadisiz olib kirilgan tamaki mahsulotlari va tamakini hamda nikotinni isteʼmol qilish moslamalariga nisbatan qo‘llanilmaydi.
Texnik reglament:
- xom ashyo va ingrediyentlar;
- tashish va saqlash;
- ishlab chiqarish;
- qadoqlash;
- tibbiy ogohlantirishlarga talablarni belgilaydi.
Hujjat tamaki mahsulotlari uchun kimyoviy va mikrobiologik moddalar miqdorining yo‘l qo‘yiladigan eng yuqori darajalarini belgilaydi.
Shuningdek, tamaki mahsulotlarining o‘ramida joylashtiriladigan tibbiy ogohlantirishlar namunalari tasdiqlanmoqda.
.png "YouTube UZREPORT TV")
