Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
Tadbirkorlarga ayrim shartlar asosida foyda solig‘idan imtiyoz beriladi – loyiha
2025-yil 1-yanvardan 2028-yil 1-yanvarga qadar tikuv-trikotaj, poyabzal va charm-attorlik sanoati yo‘nalishlarida ishlab chiqarish faoliyatini yuritayotgan tadbirkorlarga ayrim talablar asosida soliqdan imtiyoz beriladi.
2024-yil 27-dekabrdagi PF-229-son farmonga ko‘ra, tegishli vazirlik va idoralar bu borada joriy yilning fevral oyiga qadar qonun loyihasini ishlab chiqadilar.
Qayd etilishicha, quyidagi barcha shartlarga bir vaqtning o‘zida javob beradigan tadbirkorlik sub’yektlari uchun foyda solig‘i va o‘zlarining xodimlari uchun jismoniy shaxslardan olinadigan daromad solig‘i stavkalari 1 foiz etib belgilanadi:
- jami xodimlar sonining kamida 15 foizi Ijtimoiy himoya yagona reyestri va Kambag‘al oilalar reyestriga kiritilgan oilalarning a’zolaridan tashkil topganda;
- har oyda har bir xodimga ish haqi miqdori mehnatga haq to‘lashning eng kam miqdorining ikki baravaridan kam bo‘lmagan miqdorda hisoblanganda;
- soliq davrida tikuv-trikotaj, poyabzal va charm-attorlik mahsulotlarini realizatsiya qilishdan tushgan umumiy tushumi jami tovarlarni (xizmatlarni) realizatsiya qilishdan olingan daromadning kamida 90 foizini tashkil etganda.
Baholash:
0
0
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.jpg "X factor uzbekistan")
.png "YouTube UZREPORT TV")
