Tarkibida o'sma kasalliklariga qarshi modda bo'lgan Godji mevasi haqida eshitganmisiz?
Godji – ko‘p yillik butasimon o‘simlik. Uning asl vatani Xitoyning Tibet tog‘lari hisoblanadi. O'zbekistonda uning 3 ta yovvoyi turi uchraydi. Toshkent, Jizzax, Andijon viloyatlari tadbirkorlari godji yetishtirish bo‘yicha o‘ziga xos tajribaga ega.
Mazkur o‘simlik qurg‘oqchilikka chidamli bo‘lib, sho‘rlangan tuproqlarda ham o‘sadi. Uzunligi 4 metrgacha bo‘ladi. Godjining dunyoda 90 dan ortiq turlari mavjud. Qizil va qora mevasi oziq-ovqat sanoatida va tabiiy bo‘yoq olishda qo‘llaniladi.
Godjining asosiy xususiyati – uning tarkibida o'sma kasalliklariga qarshi xususiyatlarga ega mineral – germaniy mavjud.
Mevalari tarkibida ko‘p miqdorda askorbin kislota, vitaminlar va biologik faol moddalar borligi aniqlangan. Pishib yetilgan mevalar karotinga, V1, V2, PP, C vitaminlariga juda boy. Uni quritilgan holda ham isteʼmol qilish mumkin.
Shuningdek, meva immunitetni mustahkamlashda foydali. Italiya, Germaniya, AQSH, Kanada, Xitoy, Koreya hamda yaqin sharq mamlakatlarida keng foydalaniladi.
.png "YouTube UZREPORT TV")
