Test sinovlari boshlandi! Abituriyent va ota-onalar imtihon jarayonini onlayn kuzatishi mumkin
Bugundan 2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari boshlanadi.
Ushbu jarayon to‘liq videokuzatuv ostida onlayn translyatsiya qilingan holda o‘tkaziladi. Abituriyentlar hamda ularning ota-onalari test2022.uz sayti va “Viasat Explore” telekanali orqali imtihon jarayonini onlayn kuzatib borishlari mumkin bo‘ladi.
Eslatib o'tamiz, test sinovlari 8-avgustdan 20-avgustga qadar ikki smenada:
- 07:00 dan 10:00 ga qadar;
- 19:00 dan 22:00 ga qadar bo‘lib o‘tadi.
Bunda abituriyentlar belgilangan hududga imtihon boshlanishidan kamida 1 soat oldin pasport (ID-karta) va abituriyent ruxsatnomasi bilan kelishlari kerak. Shu bilan birga birinchi smenada 06:30 ga qadar, ikkinchi smenada 18:30 ga qadar tekshiruvlardan o‘tgan holda o‘z joyiga joylashgan bo‘lishlari lozim.
Pasport nusxasi yoki boshqa hujjatlar bilan kelgan abituriyentlar test sinovlariga kiritilmaydi.
"UzReport" axborot agentligi barcha abituriyentlarga muvaffaqiyat tilaydi!
.jpg "X factor uzbekistan")
.png "YouTube UZREPORT TV")
