Тез орада поезд чипталарини онлайн сотиб олиш ва рўйхатдан ўтиш имконияти пайдо бўлади
2 августдан бошлаб компаниянинг веб-сайтида электрон манбанинг янги талқини синов режимида ишга туширилди.
Аввалроқ, электрон поездлар тизими ва пойтахтнинг темир йўл станцияларида янги интерактив дисплейлар жорий этилиши ҳақида хабар берилганди.
"Ўзбекистон темир йўллари" АЖ ўз йўловчилари учун янги электрон хизматларни жорий қилишда давом этмоқда. 2 августдан бошлаб компаниянинг веб-сайтида электрон манбанинг янги талқини синов режимида ишга туширилди. Унинг ёрдамида яқин келажакда чипталарни онлайн сотиб олиш, рўйхатдан ўтказиш ва шароитдан келиб чиқиб, қайтариш мумкин бўлади.
Янги хизмат тури Тошкент аҳолиси ва меҳмонларини қоғоз ҳужжатларни олиш учун кассага боришга сарф этадиган вақтини тежайди ва аҳолига уйдан чиқмасдан чипталарни сотиб олишга имкон беради.
Энди http://e-ticket.aitm.uz сайтида сиз поездлар жадвали ва бўш ўринлар мавжудлиги билан танишишингиз, чипта нархини билиб олишингиз ва ўзингизни қизиқтирган бошқа маълумотларни олишингиз мумкин. Чипталарни сотиб олиш, рўйхатдан ўтказиш ва қайтариб бериш функциялари тизим синовдан ўтказилиб, фойдаланувчиларнинг шарҳлари инобатга олинган ҳолда такомиллаштирилганидан сўнг фаолият кўрсата бошлайди.
.png "YouTube UZREPORT TV")
