Toshkentda 4 kishini hajga jo‘natish uchun 27,2 ming dollar olayotgan turfirma xodimi ushlandi
Toshkentda o‘tkazilgan tezkor tadbirda soxta sayyohlik firmalari faoliyatiga chek qo‘yildi. Bu haqda poytaxt IIBB matbuot xizmati xabar berdi.
Maʼlum qilinishicha, Uchtepa tumanidagi “Mahdiy turizm” MCHJ xodimi – 1995-yilda tug‘ilgan A.J. 4 nafar fuqaroga haj safariga yuborishni vaʼda qilgan. U MCHJning ushbu faoliyat turi bilan shug‘ullanishga litsenziyasi yo‘qligini bila turib, 27,2 ming dollarni olayotgan vaqtda qo‘lga olingan.
Shuningdek, Shayxontohur tumanidagi “Sohil turizm” MCHJ direktori – 1991-yilda tug‘ilgan S.N. 2 nafar fuqaroning ishonchiga kirib, ularni haj safariga yuborishni vaʼda qilgan. Unda ham litsenziyasi bo‘lmasa-da, 10 ming dollar olgan vaqtida xolislar ishtirokida ushlangan.
Mazkur holatlar yuzasidan to‘plangan hujjatlar Iqtisodiy jinoyatlarga qarshi kurashish departamentiga taqdim etildi.
.png "YouTube UZREPORT TV")
