Toshkentda avtobus yonib ketdi
Joriy yilning 20-dekabr kuni soat 21:11 da, "5-Avtobus saroyi" filiali tasarrufidagi, "Mercedes-Benz" rusumli avtobusda yong'in hosil bo'lgani haqida xabar tarqaldi. Holat yuzasidan “Toshshahartransxizmat” AJ Axborot xizmati rasmiy ma'lumot berdi.
Qayd etilishicha, ushbu avtobus 2008-yil ishlab chiqarilgan bo‘lib, dastlabki maʼlumotga ko‘ra, soat 20:00 da “5-avtobus saroyi” tasarrufidagi davlat raqami 01|794 OJA, saroy raqami 369-bo‘lgan, "Mercedes-Benz" rusumli, 151-sonli Chingeldi maxallasi-Buyuk Ipak yo‘li metro bekati yo‘nalishida harakatlanuvchi, haydovchi R.A boshqaruvidagi avtobus, Mirzo Ulug‘bek tumani, Mirzo Ulug‘bek ko‘chasi Kimyo instituti binosi qarshisida harakatlanayotgan vaqtda, avtobusning yuqori bosimli havo quvurining yorilishi natijasida qisqa tutashuv yuzaga kelgan.
Haydovchi tomonidan tutunni o‘chirish uchun dastlabki choralar ko‘rilishiga qaramay qisqa tutashuv alangaga aylangan. Shundan so'ng, voqea joyiga FVV Yong'in qutqaruv bo'linmasi tezkor guruhi chaqirilib, yong'in qisqa vaqtda bartaraf etilgan. Mazkur hodisa natijasida tan jarohati olganlar yo'q, avtobusning dvigatel qismiga zarar yetgan.
Hozirda, “Toshshahartransxizmat” AJning Ishlab chiqarish texnik bo‘limi xodimlari tomonidan xizmat tekshiruvi olib borilmoqda.
.png "YouTube UZREPORT TV")
